Ilustrasaun Vasina. Imajen/Espesiál

DILI, 28 abríl 2021 (TATOLI)—Koordenadora Jerál Komisaun Ezekutiva Saúde atuál Diretora Jerál Prestasaun Saúde iha Ministériu Saúde, Odete da Silva Viegas, hateten vasina AstraZeneca nuudar medida únika kombate no halo prevensaun ba surtu COVID-19 iha Timor-Leste.

Notísia Relevante: Ekipa Interministeriál halo evaluasaun ba implementasaun vasina AstraZeneca iha Timor-Leste

Diretora Jeral Prestasaun Saude Ministeriu Saude, Odete Viegas da Silva. Imajen/Jogerjo Ximenes

“Medida únika ne’ebé mak bele prevene moras COVID-19 ne’e mak ita utiliza vasina AstraZeneca ne’ebé mak Governu deside no hili ita liuhosi prosesu rua, ida mak 20% no mós ida 80%,” Diretora Jerál Prestasaun Saúde iha Ministériu Saúde, Odete da Silva Viegas, ko’alia iha debate estensaun estadu emerjénsia ba dala-13, iha uma fukun, kuarta ne’e.

Nia esplika, 20% ne’e ho totál 26.3556 dozes no faze dahuluk ho 24.000 dozes iha Timor-Leste, maibé hosi 20% ne’e aplika ho fazeadamente.

Vasina AstraZeneca ne’e to’o iha Timor-Leste iha loron 5 abríl no halo lansamentu no hahú implementa iha loron 7 abríl 2021.

Nune’e mós, ba munisípiu 12 implementa iha loron 7 abríl no Rejiaun Administrativa Espesiál Oé-Cusse-Ambeno (RAEOA) implementa vasinasaun iha loron loron 22 abríl.

“Hosi 24.000 dozes ne’e ita hetan 2400 dozes. Hosi 2400 dozes ne’e ita fahe barak liu iha Dili kuaze 1300 dozes tanba númeru ne’ebé mak boot iha Dili, restante fahe ba munísipiu 12 no RAEOA. Hosi númeru boot iha Dili, ita-nia grupu enumerasaun ba liña frente sira-ne’ebé tama iha 3% ba iha Ministériu Saúde, PNTL, F-FDTL, Bombeiru, Saneamentu no liña frente sira seluk,” nia dehan.

Nia dehan, ekipa liña frente barak mak rejeita simu vasina AstraZeneca ne’e ho razaun ta’uk no razaun seluk sei hein.

“Hein karik ema ne’ebé mak vasina ne’e hetan uluk ona buat ruma entaun karik seguru entaun sira foin hakarak vasina maibé sé la seguru entaun sira lakohi atu vasina. Maibé, ita halo observasaun durante semana hira nia laran, iha ema barak mak interesadu atu hakarak hetan mós vasina. Ema sira-ne’ebé la tama iha grupu prioridade mós hakarak vasina,” nia hateten.

Ida-ne’e signifika katak iha mós entusiazamu hosi p’ubliku atu hetan vasina, maske vasina ne’e la’ós obrigatóriu maibé ema hotu-hotu konsiente katak moras ne’e iha no moras ne’e mós perigu ba vida.

Jornalista: Evaristo Soares Martins

Editór: Cancio Ximenes

HAKEREK NO HATÁN

Please enter your comment!
Please enter your name here