Prezidente Repúblika, Francisco Guterres “Lú Olo’ kaer liman ho Prokuradór Jerál Repúblika, Alfonso Lopez. Imajen/Mídia PR.

DILI, 28 abril 2021 (TATOLI)—Prezidente Repúblika, Francisco Guterres Lú Olo, liuhosi Dekretu Prezidente Repúblika númeru 22/2021, 28 abril, nomea Alfonso Lopez nu’udar Prokuradór Jerál Repúblika, no serimónia tomada de pose sei hala’o aban (kinta, 29 abril), tuku 9.00 dadeer, iha Palásiu Prezidensiál Nicolau Lobato, Bairru Pite, Dili.

Notísia Relevante: Aban, PJR nia mandatu termina

Tuir nota ne’ebé Agência Tatoli asesu hosi Palásiu Prezidensiál ne’e hateten, Prezidente Repúblika nomea PJR foun ne’e liuhosi Dekretu Prezidente Repúblika hafoin rona Governu, tuir artigu 86, alínea k) hosi artigu 133, númeru 3, Konstituisaun Repúblika, konjuga ho artigu 12, númeru 1, númeru 2 hosi Lei númeru 14/2005, 16 setembru, altera hosi Lei númeru 11/2011, 28 setembru (Estatutu Ministériu Públiku) dekreta hodi nomea Alfonso Lopez nu’udar Prokuradór Jerál Repúblika.

Dekretu Prezidente Repúblika ne’e prodús efeitu hahú hosi 29 abril 2021.

Liuhusi Dekretu Prezidente Repúblika 21/2021, 28 abril, Prezidente Repúblika ezonera Alfonso Lopez hosi kargu Adjuntu Prokuradór Jerál Repúblika.

Jornalista: Osória Marques

Editór: Cancio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here