Ministru Ensinu Superiór, Siénsia no Kultura, Longuinhos dos Santos. Imajen Tatoli/Egas Cristovão

DILI, 24 abríl 2021 (TATOLI) – Ministru Ensinu Superiór Siénsia no Kultura (MESSK) Longuinhos dos Santos, esplika katak injesaun propina bazeia ba proposta lei artigu 15 orsamentu ratifikasaun nian ne’ebé hatuur iha diploma ministeriál hateten momoos katak, estudante ne’ebé mak hetan ona bolsu estudu, la ativu ona inklui Drop Out (DO) laiha direitu atu hetan injesaun propina.

Notísia Relevante : OJE 2021, trimestre dahuluk MESSK ezekuta 23%

Ministru Longuinhos esplika, injesaun propina ne’e atu hakmaan difikuldade estudante nian durante Governu aplika Estadu emerjénsia ho medida serka sanitária.

“Ita hatene estudante barak durante Estadu emerjénsia la hetan apoiu orsamentu hosi família. Ami deside apoiu injesaun propina ne’e para atu hakmaan todan ne’ebé sira enfrenta,” Ministru Longuinhos dos Santos hateten ba jornalista sira iha Parlamentu Nasionál, foin lalais ne’e.

Nia dehan injesaun propina ne’e sei válidu ba estudante 61,239 tantu públiku no privadu bainhira Governu kontinua extende Estadu emerjénsia ho medias serka sanitária.

“Kada estudante sei hetan injesaun ba ninia propina kada primeiru semestrál durante fulan-neen ho valor $150. Ida-ne’e sei kontinua, karik Estadu emerjénsia ho media serka sanitária extende,” Longuinhos hateten.

Injesaun propina ne’e ninia valor la hanesan. Ezemplu iha Universidade Nasionál Timor Lorosa’e (UNTL) propina kada estudante $30/semestrál. Ba sira ne’ebé livre ona teoria selu de’it $5. Ne’e-duni, Ministru Longuinhos tenik, sira ne’ebé mak selu ona propina, universidade tenke devolve fali osan estudante nian kada semestrál hahú husi janeiru to’o juñu. Tanba hosi proposta lei númeru 15 diploma ministeriál nian regula ona.

Governante ne’e relata tan katak injesaun propina ne’e hetan ona aprovasaun iha Parlamentu nasionál no hein de’it Prezidente Repúblika promulga bele implementa ona.

Jornalista       : Tomé Amado

Editór             : Francisco Simões

PUBLISIDADEiklan

HAKEREK NO HATÁN

Please enter your comment!
Please enter your name here