Ministru Edukasaun Juventude no Desportu, Armindo Maia. Imajen TATOLI/Egas Cristovão

DILI, 23 abríl 2021 (TATOLI) – Ministériu Edukasaun Juventude no Desportu (MEJD) kontribui millaun $4.209 hodi apoiu rekuperasaun nasionál hafoin dezastre naturál, 04 abríl liubá ne’e.

Notísia Relevante : UNTL kontribui millaun $1.116 hodi apoiu kalamidade 

Ministru Edukasaun, Juventude no Desportu, Armindo Maia, informa MEJD hetan kortés orsamentu para atu apoiu rekuperasaun depois akontese kalamidade iha semana hirak liubá.

Orsamentu ho montante $4.209 ne’e kortés hosi orsamentu kapitál dezenvolvimentu ne’ebé prevee ona atu aselera programa iha ensinu báziku no ensinu sekundáriu nian.

“Sofrimentu ba orsamentu MEJD nian ne’e hetan aprovasaun iha PN bazeia ba Proposta 35 ho votu  afavór 40, kontra neen (6) no abstensaun 15,” Armindo Maia hateten ba jornalista iha PN, sesta ne’e.

Jornalista       : Tomé Amado

Editór             : Francisco Simões

PUBLISIDADEiklan

HAKEREK NO HATÁN

Please enter your comment!
Please enter your name here