Governu ho Parlamentu Nasionál debate Orsamentu Retifikativu iha faze Espesialidade, kuarta (21/04). Imajen Tatoli/Egas Cristóvão.

DILI, 22 abríl 2021 (TATOLI)—Proposta ne’ebé aprezenta hosi Deputada Bankada Congresso Nacional de Reconstrução de Timorense (CNRT), Maria Fernanda Lay atu elimina totál osan Ró Haksolok ho montante millaun $13 la pasa.

Notísia Relevante: Reforsa Fundu COVID-19, Deputada Fernanda Lay propoin ko’a osan Ró Haksolok

Governu la aseita proposta ne’e no liuhosi rezultadu votasaun a-favór 25, kontra 35 no abstensaun 1.

“Nune’e, proposta númeru 23 (ko’a osan Ró Haksolok) la pasa,” Prezidente Parlamentu Nasionál, Deputadu Aniceto Longuinhos Guterres Lopes, anunsia liuhosi plenária, kinta ne’e.

Deputada Maria Fernanda Lay aprezenta proposta ne’e liuhosi alterasaun Orsamentu Jerál Estadu (OJE) 2021 atu ko’a osan Ró Haksolok ho montante millaun $13 hodi reforsa fundu COVID-19.

“Operasaun návius ba pasajeiru, ha’u propoin ko’a totál no karga. Nune’e mós kontrusaun návius no kontinuasaun prosesu Ró Haksolok laiha serteza. Tanba, kazu ne’e iha hela prosesu investigasaun Ministériu Públiku nian, entaun hein desizaun finál mak tau osan. Nune’e mós ha’u husu atu hasai orsamentu hosi Ró Haksolok tanba ha’u hatene katak Ró Haksolok sei la mai,” Deputada Maria Fernanda Lay, fundamenta proposta ne’e liuhosi plenária, kinta ne’e.

Jornalista: Evaristo Soares Martins

Editór: Cancio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here