Membru Deputado iha Parlamento Nasional.Imajen Tatoli/Egas Cristóvão.

DILI, 21 abríl 2021 (TATOLI)—Deputada Bankada Congresso Nacional de Reconstrução de Timorense (CNRT), Maria Fernanda Lay, propoin proposta ida lihosi alterasaun Orsamentu Jerál Estadu (OJE) 2021 atu ko’a osan Ró Haksolok ho montante millaun $14 hodi reforsa fundu COVID-19.

Notísia Relevante: PN aprova millaun $127 ba RAEOA inklui millaun $14 finaliza Ró Haksolok

“Ha’u propoin ko’a totál hosi orsamentu ba Ró Haksolok nian tanba kazu ne’e iha hela prosesu investigasaun Ministériu Públiku nian, entaun hein desizaun finál mak tau osan. Nune’e mós ha’u husu atu hasai orsamentu hosi Ró Haksolok tanba ha’u hatene katak Ró Haksolok sei la mai,” Deputada Maria Fernanda Lay, informa ba Agência TATOLI, iha sala Bankada CNRT, kuarta ne’e.

Deputada Bankada CNRT ne’e, espera katak Governu responde ho sertamente kona-ba proposta ne’e.

“Se Governu responde tinan ida-ne’e ró ne’e mai, entaun ha’u retira ha’u-nia proposta. Maibé se laiha serteza entaun ha’u propoin hasai akordu ho Komisaun C tau iha rekomendasaun relatóriu no paresér,” nia dehan.

Eis Prezidente Komisaun C ne’e argumenta, razaun propoin ko’a millaun $14 hosi totál hodi reforsa Fundu COVID-19 nune’e halo akizisaun ekipamentu ba vasina nian.

Deputada Bankada CNRT ne’e submete ona proposta-alterasaun ne’e ba meza Prezidente Parlamentu Nasionál no diskuasaun espesialidade loron dahuluk, sei hahú iha tuku 15.00.

Jornalista: Evaristo Soares Martins

Editór: Cancio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here