Ministru Ensinu Superiór Siénsia no Kultura, Longuinhos dos Santos. Imajen TATOLI/Egas Cristóvão.

DILI, 22 abríl 2021 (TATOLI) – Ministru Ensinu Superiór Siénsia no Kultura (MESSK), Longuinhos dos Santos, to’o oras ne’e, seidauk simu pedidu ka informasaun ruma kona-ba planu graduasaun virtuál hosi Universidade Nasionál Timor Lorosa’e (UNTL).

Notísia Relevante : Estudante finalista 36 hosi UNTL sei tuir graduasaun virtuál

“Ha’u hanoin planu UNTL nian atu realiza graduasaun virtuál ne’e inisia hosi estudante-sira. Ha’u ko’alia ona ho Magnífiku Reitór UNTL. Ita hein sira-nia desizaun karik aseita ho estudante-sira ninia pedidu ne’e, sira sei prepara mekanizmu depois sei haruka mós pedidu ho lista estudante nian mai ami,” Ministru Longuinhos dos Santos, hateten ba Agência Tatoli iha PN,  kinta ne’e.

Ministru Longuinhos akresenta katak to’o agora nia seidauk simu karta ida hosi UNTL kona-ba planu atu realiza graduasaun online ka virtuál ne’e. Se iha mós parte rua sei haree hamutuk, liu-liu kona-ba mekanizmu saida mak sira atu uza iha graduasaun virtuál ne’e.

“Ami hein hela lista hosi estudante-sira nian totál ema na’in hira mak prontu atu tuir graduasaun virtuál ho ninia mekanizmu sira para ita bele aseita hodi realiza planu sira ne’e tuir duni nesesidade estudante sira nian,” nia tenik.

Jornalista       : Tomé Amado

Editór             : Francisco Simões

PUBLISIDADEiklan

HAKEREK NO HATÁN

Please enter your comment!
Please enter your name here