Mapa Bobonaro

DILI, 20 abríl 2021 (TATOLI) – Autoridade Munisípiu Bobonaro kompostu hosi Servisu Edukasaun Munisipál ho Administradór Munisípiu deside suspende ezame períodu  dahuluk ba eskola haat iha Bobonaro.

Notísia Relevante : Ezame períodu dahuluk iha eskola Sekundária Sentrál Liquiça la’o di’ak

Eskola sira ne’e maka hanesan Ensinu Báziku Sentrál Gildasti ho ninia filiál tolu hanesan filiál Ojo, Tiron Atus no Lebos.

Diretór Servisu Edukasaun Munisípiu Bobonaro, Crispin Marques Nunes, relata katak sira suspende atividade ezame períodu dahuluk ne’e tanba identifika iha suspeitu ida mak konfirmadu pozitivu COVID-19.

“Ami aplika medias suspensaun ba eskola haat ne’e bazeia bá orientasaun Ministériu Edukasaun nian, maibé ami mós halo konfirmasaun ho autoridade munisípiu no ikus mai deside halo duni suspensaun ba eskola sira-ne’e,” Crispin Marques Nunes informa ba Agência Tatoli liuhosi telefone, tersa ne’e.

Diretór ne’e informa katak úniku eskola haat ne’e de’it mak labele realiza ezame períodu dahuluk tuir kalendáriu ne’ebé deside ona hosi MEJD, maibé eskola sira seluk iha Bobonaro kontinua hala’o ezame tuir nafatin kalendáriu no kumpre medias protokolu prevensaun COVID-19.

Totál eskola iha Munisípiu Bobonaro hamutuk 36, ensinu báziku iha 29 no ensinu sekundáriu jerál hitu (7). Total estudante husi ensinu báziku to’o ensinu sekundáriu jerál no tékniku vokasionál hamutuk 30,643 .

Jornalista       : Tomé Amado

Editór             : Francisco Simões

PUBLISIDADEiklan

HAKEREK NO HATÁN

Please enter your comment!
Please enter your name here