Membru FALINTIL-Forsa Defeza Timor-Leste (F-FDTL) femenina, tein hahán iha kuziña móvel, hodi fornese ba família afetadu dezastre naturál iha Lagoa Tasi-tolu, sábadu (10/04/21). Imajen/Mídia F-FDTL.

DILI, 19 abríl 2021 (TATOLI)—Vise Xefe Estadu Maiór Jenerál FALINTIL Forsa Defeza Timor Leste (F-FDTL), Majór Jenerál, Falur Rate Laek, husu ba membru-sira atu koopera ho ekipa saúde, nune’e prosesu vasinasaun COVID-19 bele la’o ho di’ak.

Falur husu ne’e iha ámbitu lansamentu vasinasaun AstraZeneca ba instituisaun Forsa Defeza, ne’ebé hala’o iha iha kuartél Jenerál F-FDTL, Fatuhada, Dili, segunda ne’e.

Notísia relevante:Membru PNTL 70% simu ona vasina AstraZeneca

“Husu membru-sira hotu ho voluntáriu atu koopera ho médiku-sira ba prosesu vasinasaun ne’e bele la’o ho di’ak,” Falur husu.

Majór Jenerál, Falur Rate Laek konsidera vasina ne’e importante tebes atu haforsa imunidade ema ida-idak nian, nune’e bele proteje an hosi transmisaun COVID-19.

Nia mós lori instituisaun nia-naran, agradese ba ekipa saúde, ne’ebé serbisu makaas no serbisu ba umanizmu, liuliu atu salva ema barak hosi virus ne’e.

“Fó ami-nia apoiu no solidariedade ba médiku-sira maski hasoru dezafiu barak, maibé ita bo’ot sira sempre iha nafatin espíritu umanizmu atu serbi,’’ Falur Rate Laek subliña.

Iha fatin hanesan, Xefe Saúde Militár, Tenente Coronél, Guido Oliveira, informa vasina ne’ebé ohin hahú iha kuartél Jenerál sei halo mós ba membru-sira iha Komponente Navál, Komponente Terrestre, Komponente apoiu serbisu, inklui membru ne’ebé iha liña fronteira.

Lansamentu ne’e, Vise Xefe Estadu Maiór Jenerál F-FDTL, Maijór Jenerál, Falur Rate Laek akompaña hosi ekipa saúde militár no ekipa médiku hosi Ministéiru Saúde (MS).

Tuir observasaun Agência Tatoli, hafoin lansamentu membru F-FDTL lubuk ida mak partisipa másimu hodi simu vasina.

Jornalista: Nelson de Sousa

Editór: Cipriano Colo

PUBLISIDADEiklan

HAKEREK NO HATÁN

Please enter your comment!
Please enter your name here