Xefe Estadu Maior FALINTIL-Forsa Defeza Timor-Leste (F-FDTL), Brigadeiru Jenerál, Calisto Santos “Coliati”. Imajen Tatoli/Eugénio Pereira.

DILI, 17 Abril 2021 (TATOLI)—Komandu FALINTIL-Forsa Defeza Timor-Leste (F-FDTL), ohin, ensera Misaun Apoiu Umanitáriu ne’ebé durante ne’e sira hala’o hodi entrega hikas servisu apoiu umanitáriu ne’e ba Governu liuhosi Sekretariu Estadu Protesaun Sivil (SEPS) hodi kontinua fó apoiu ba komunidade afetadu inundasaun iha Tasi-Tolu, Dili.

Notísia Relevante: F-FDTL harii tenda-10 ba vítima dezastre naturál iha Tasi-Tolu

Xefe Estadu Maior FALINTIL-Forsa Defeza Timor-Leste (F-FDTL), Brigadeiru Jenerál, Calisto Santos “Coliati” dehan, hahú kedas iha loron 7-17 abríl 2021, ekipa Komandu F-FDTL tun direta hala’o servisu uminatariu niana hodi harii tenda ba refuijiadu sira, halo tratamentu saúde no estabelese kuzina movel hodi tein hahan fahe ba refuijiadu sira. 

“Ohin loron ikus militár ramata nia misaun hodi halo tranzisaun ba Sekretáriu Estadu Protesaun Sivil (SEPS) no Ministériu Administrasaun Estetál (MAE) mak sei kontinua halo fali atendimentu ba ita-nia komunidade afetadu sira,” Brigadeiru Jenerál, Calisto Santos “Coliati”, hateten ba jornalista sira iha Tasi-Tolu, Dili.

Calisto Santos “Coliati” hatutan, Komandu F-FDTL ho orgullu tebes servisu hamutuk ho Forsa Defeza Austrália hodi fó apoiu ba komunidade afetadu sira bele ultrapasa dezafiu ne’ebé sira hasoru.

Durante ne’e, nia informa, Departamentu Saúde Militár no Ministériu Saúde no Ajensia Internasionál hala’o mós tratamentu saúde ba komunidade sira-ne’ebé sofre moras besik ema 500-resin iha sentru evakuasaun sira.

Antes ne’e, ekipa Komandu F-FDTL liuhosi Asosiasaun Ami Familia Militár Asswa’in (AFAMA) hala’o mós asaun karidade hodi fó apoiu aihan bazika no roupa ba família afetadu sira kuaze 1000-resin iha kapitál Dili, no koloka membru 250 ajuda halo limpeza jerál iha áreadores Palásiu Preszidente Repúblika nian.

Pragrama seluk tan, membru F-FDTL servisu hamutuk ho ekipa Defence Cooperation Programa (DCP) halo instalaasaun mákina taes bee moos ba komunidade Aldeia Becuse Kraik, Suku Becora, Postu Administrativu Cristo Rei.

Notísia Relevante: F-FDTL monta kuzina movel iha Tasi-Tolu

Jornalista: Eugénio Pereira

Editór: Cancio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here