Ministra Saúde, Odete Maria Freitas Belo. Imajen TATOLI/Egas Cristóvão

DILI, 14 abríl 2021 (TATOLI)—Ministra Saúde (MS), Odete Maria Freitas Belo, hateten desizaun atu hasai mate-isin Armindo Borges hosi sala izolamentu Vera Cruz, hein reuniaun Konsellu Ministru (KM).

“Desizaun sei hein Konsellu Ministru,” Maria Odete Freitas Belo, hateten ba Jornalista-sira, iha sentru izolamentu Verra Cruz, kuarta ne’e.

Notísia relevante:Loron-tolu no kalan-rua, Xanana ho família matebian Armindo hein iha Vera Krús

Prezensa Governante ne’e iha sala izolamentu ho objetivu atu haree pasiente-sira COVID-19 nian, iha tuku 8:00 otl.

“Ha’u mai haree ema moras-sira iha ne’e,” Odete hateten.

Molok atu husik hela fatin ne’e, Odete Belo mós aprezenta objetivu hosi vizita ne’e ba Líder nasionál Kay Rala Xanana Gusmão ne’ebé tuur hela iha odamatan sala izolamentu.

Maski Odete la temi detalla kona-bá ajenda reuniaun Konsellu Ministru, maibé, membru Governu ne’e subliña katak, desizaun ikus kona-bá situasaun ne’e sei mai duni hosi Konsellu Ministru.

Notísia relevante:La entrega mate-isin, Xanana deside toba iha sentru izolamentu

Jornalista: Natalino Costa

Editora: Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here