Ministra Negósiu Estranjeiru no Kooperasaun, Adaljiza Albertina Xavier Reis Magno. Imajen TATOLI/Egas Cristóvão

DILI, 13 abríl 2021 (TATOLI) – Governu Timor-Leste liuhosi Ministra Negósiu Estranjeiru no Kooperasaun (MNEK) agradese ba nasaun sira ne’ebé ajuda ona Timor – Leste iha tempu kalamidade públiku ne’e.

Notísia Relevante : Governu rekolla uluk dadus molok distribui apoiu rekuperasaun

“Lori Governu nia naran hakarak hato’o ami nia admirasaun no gratidaun ne’ebé maka kle’an ba veteranu no INTERFET, ba povu Australia sira, no mós Timoroan sira ne’ebé maka iha Australia, povu no mós Governu no Estadu hosi Xina, Japaun, Singapura, Estadu Unidus Amerika, no hotu ne’ebé maka prepara no apoiu umanitáriu mai povu Timor – Leste iha tempu difisil hanesan foin lalais inundasaun ne’e,” Ministra Negósiu Estranjeiru no Kooperasaun (MNEK), Adaljiza Albertina Xavier Reis Magno, liuhosi komunikadu imprensa ne’ebé Tatoli asesu, tersa ne’e.

Nia dehan, kontribuisaun sira ne’ebé nasaun amigu sira haraik ba Timor-Leste signifikante tebes ba komunidade no ema sira ne’ebé maka afetadu hosi dezastre naturál, 04 abríl 2021.

Governu Timor-Leste garante ajudu hirak ne’ebé mai ona hosi nasaun li’ur bele to’o hotu ba komunidade afetadu sira.

Jornalista   : Hortencio Sanchez

Editór        : Francisco Simões

PUBLISIDADEiklan

HAKEREK NO HATÁN

Please enter your comment!
Please enter your name here