Líder istóriku, Kay Rala Xanana Gusmão, kontinua hein desizaun ikus hosi Governu atu entrega mate-isin Armindo Borges (47) ba família, segunda (12/04). Imajen TATOLI/Egas Cristóvão

DILI, 12 abríl 2021 (TATOLI)—Prezidente Parlamentu Nasionál (PPN), Deputadu Aniceto Longuinhos Guterres Lopes, preokupa ho líder karismátiku Kay Rala Xanana Gusmão nia prezensa iha sala izolamentu Vera Cruz, Dili, tanba la hatudu ezemplu kombate surtu COVID-19.

Notísia Relevante: Ministra Saúde husu Xanana atu fiar COVID-19

Prezidente Parlamentu Nasionál (PPN), Deputadu Aniceto Longuinhos Guterres Lopes, preokupa ho líder karismátiku Kay Rala Xanana Gusmão nia prezensa iha sala izolamentu Vera Cruz, liuhosi konferénsia imprensa iha PN, segunda (12/04). Imajen/Mídia PN.

“Hanesan líder estadista bele krítika maibé labele impede, ne’e aktu sira-ne’e dezautoriza Estadu, dezautoriza Governu no dezakredita ita-nia espesialista sira. Ne’e, la hatudu ezemplu kombate surtu (COVID-19) ne’e,” Prezidente Parlamentu Nasionál informa liuhosi konferénsia imprensa, iha uma fukun, segunda ne’e.

Aniceto konsidera akonsentimentu ne’e la’ós atetude estadista ida-nian no konsidera kazu ne’e la’ós kestaun siénsia no la’ós rasosíniu, tanba teste sientífikamente iha laboratóriu dehan pozitivu.

Nia dehan, tuir regra ema mate tanba pozitivu COVID-19 tenke aruma tuir protokolu Ministériu Saúde no Organizasaun Mundiál Saúde (OMS) nian.

“Ha’u la konkorda, hanesan sidadaun no hanesan prezidente parlamentu konsidera komportamentu ka atetude hanesan ne’e la’ós hetan apresiasaun hosi ema hotu. Iha buat ruma bele krírika, nusá mak tún diretamente ba terrenu só para impede de’it ema,” nia lamenta.

Jornalista: Evaristo Soares Martins

Editór: Cancio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here