Sekretariu Estadu Protesaun Sivíl (SEPS), Joaquim José Gusmão dos Reis Martins. Imajen Tatoli/Egas Cristovão

DILI, 12 abríl 2021 (TATOLI)-Ministériu Finansa (MF), tersa aban (13/04),  sei realiza sorumutuk ho parseiru internasionál sira iha Timor-Leste.

Notísia Relevante : Governu mobiliza apoiu internasionál hatán impaktu hosi inundasaun

Sorumutuk ne’e ho nia objetivu atu hato’o situasaun no kondisaun dezastre naturál ne’ebé akontese iha territóriu nasionál iha loron 04 abríl, foin lalais ne’e.

Enkontru ne’e organiza hosi Ministériu Finansa ho koordenasaun ho Ministériu Negósiu Estranjeiru no Kooperasaun (MNEK), Sekretária Estadu Protesaun Sivíl (SEPS) ho Sekretária Estadu Ambiente (SEA).

“Ohin, ami halo ona enkontru interministeriál hodi halo preparasaun ba enkontru ho parseiru internasionál sira ne’ebé sei hala’o aban iha Dili,” Sekretáriu Estadu SEPS, Joaquim José Gusmão dos Reis Martins, informa  ba Agência Tatoli hafoin enkontru iha edifísiu MF, Aitarak Laran, Dili.

SEPS Joaquim Gusmão hateten, enkontru ho doadór no parseiru internasionál  atu pronunsia buat ruma no saida mak TL presiza ba iha kurtu, médiu no longu prazu relasiona ho dezastre naturál ne’ebé akontese liu-ba hodi nune’e parseiru sira bele haree iha parte ne’ebé mak bele ajuda  TL.

Liuhosi sorumutuk ho parseiru internasionál sira ne’e, SEPS sei aprezenta foku kona-ba dezafiu lubuk durante hasoru hanesan presiza iha sistema alerta sedu molok akontese udan no anin-boot.

SEPS mós sei aprezenta servisu ne’ebé SEPS hala’o liga ba apoiu emerjénsia no apoiu rekuperasaun ne’ebé fó analiza saida mak agora iha atu bele responde ba família na’in hira no presiza tan hira.

Jornalista       : Nelson de Sousa

Editór             : Francisco Simões

 

PUBLISIDADEiklan

HAKEREK NO HATÁN

Please enter your comment!
Please enter your name here