Inundasaun iha Tasi-Tolu, Dili, domingu (04/04/2021). Imajen TATOLI/António Gonçalves

DILI, 08 abríl 2021 (TATOLI)–Konsellu Ministru (KM) deside aprova mobilizasaun apoiu internasionál hodi hatán ba impaktu inundasaun ne’ebé akontese iha loron 04 abríl.

“Aprovasaun ne’e loke dalan ba Timor-Leste bele mobiliza apoiu internasionál ba ita-nia esforsu halo rekuperasaun ba dezastre naturál ne’ebé akontese ita-nia rain,” Ministru Prezidénsia Konsellu Ministru, Fidelis Manuel Leite Magalhães, relata hafoin ramata reuniaun ezekutivu iha Palásiu Governu, kinta ne’e.

Notísia relevante: Emprezáriu Xineza apoiu nesesidade báziku ba abitante afetadu dezastre naturál

Ba kestan ne’e, Ministériu Negósiu Estranjeiru no Kooperasaun (MNEK) mak sei koordena ho país sira seluk atubele mobilize apoiu internasionál posível hodi bele apoiu Timor-Leste hodi rekupera.

Daudaun ne’e komunidade internasionál ne’ebé mak fó ona apoiu sasán nesesidade bazika ba komunidade mak Embaixada Xina liuhosi emprezáriu xinez iha Timor-Leste.

Aleinde ne’e, ajénsia internasionál no país balun hahú mobiliza sasán no fundu hodi fó apoiu ba vítima dizastre naturál.

Jornalista: Antónia Gusmão

Editora: Julia Chatarina

HAKEREK NO HATÁN

Please enter your comment!
Please enter your name here