Grupu Asosiasaun Emprezáriu Xineza iha Timor-Leste halo enkontru Sekretária Estadu Protesaun Sivíl (SEPS) , Joaquim dos Santos. Imajen Tatoli/Nelson de Sousa

DILI, 07 abríl 2021 (TATOLI)-Grupu Asosiasaun Emprezáriu Xineza iha Timor-Leste, kuarta ne’e, fó apoiu nesesidade bázika ba Sekretária Estadu Protesaun Sivíl (SEPS) hodi bele distribui ba família afetadu dezastre naturál iha territóriu Timor-Leste.

Apoiu ne’e entrega direita hosi reprezentante Grupu Emprezáriu Xineza, Wei Yuang ho ekipa ba iha Sekretáriu Estadu SEPS, Joaquim Gusmão iha edifísiu SEPS, Caicoli, Dili.

Notísia Relevante : F-FDTL ho AFAMA apoiu nesesidade báziku ba refujiadu sira

Sasán sira ne’ebé maka emprezáriu Xineza sira apoiu hanesan biti tahan 300, água dos 300, supermi dos 200, foos 25kg saka 60, mina dos 10, susu-ben dos 100, tanke bee 110 litru tolu, jerigen 20 liter 120, faru 500 ho sira seluk tan.

Wei Yuang, hateten apoiu ne’ebé sira fó ho kbiit ne’ebé sira iha kontribui hosi emprezáriu Xineza ida-idak hodi bele responde netik abitante sira iha situasaun emerjénsia ne’ebé hasoru.

”Ami hela iha Timor-Leste iha sentimentu hanesan Timor-oan karik Timor-Leste enfrenta no presiza ajudu ami prontu atu apoiu,’’ Wei Yuang hateten.

Sekretáriu Estadu SEPS, Joaquim Gusmão, lori Governu nia naran agradese ba apoiu ne’e hodi bele tulun maluk Timoroan ne’ebé afeta hosi dezastre naturál.

Jornalista       : Nelson de Sousa

Editór             : Francisco Simões

HAKEREK NO HATÁN

Please enter your comment!
Please enter your name here