Ekipa saúde hatudu vasina AstraZeneca, iha Sentru Saúde Bairru Formosa, kuarta (07/04). Imajen TATOLI/António Gonçalves

LIQUIÇA, 08 abríl 2021 (TATOLI) –Sentru Saúde Liquiça, simu ona vasina COVID-19 ho tipu AstraZeneca. Tanba ne’e, iha tempu badak sei vasina uluk ba ekipa liña frente iha Munisípiu Liquiça.

Notísia Relevante : PM Taur sente forte bainhira simu tiha vasina AstraZeneca

Diretora Sentru Saúde Munisípiu Liquiça, Apolonia dos Santos hateten,  vasinasaun AstraZeneca ho 62 vial no nia doses 620 ba uluk liña frente sira hanesan hirak ne’ebé servisu iha saúde, Polísia Nasionál Timor – Leste (PNTL), FALINTIL-Forsa Defeza Timor – Leste (F-FDTL) liña ministériu sira seluk munisípiu Liquiça no jornalista destakadu sira.

“Etapa primeiru atu hetan vasina ne’e mak liña frente, etapa segundu ba ita-nia maluk sira hetan moras krónika ne’e no ikus liu mak ita nia komunidade sira ho idade 18 ba leten,” Apolonia dos Santos informa ba Agência Tatoli iha Liquiça, kinta ne’e.

Hahú sesta aban (09/04), ekipa saúde Liquiça sei halo advokasia hodi involve autoridade munisipál, Komandante PNTL munisípiu, veteranu, lider relijioza sira  no seluk tan atu fó informasaun kona-ba benefísiu hosi vasina AstraZeneca  ne’e.

“AstraZeneca ne’e sei la fó efeitu ka implikasaun negativu ba komunidade no ema hotu. Nune’e husu ba komunidade sira labele fiar lia bosok no informasaun falsu sira hodi lakohi simu vasinasaun,” nia hateten.

Jornalista   : Hortencio Sanchez

Editór        : Francisco Simões

PUBLISIDADEiklan

HAKEREK NO HATÁN

Please enter your comment!
Please enter your name here