Ministru Prezidénsia Konsellu Ministru, Fidelis Manuel Leite Magalhães. Imajen TATOLI/Egas Cristovão

DILI, 08 abríl 2021 (TATOLI)–Konsellu Ministru (KM) aprova ona ho alterasaun, Projetu Proposta-Lei númeru 7/2006, loron 28 dezembru, kona-ba Lei eleitorál ba Prezidente Repúblika.

Alterasaun da-neen ne’e aprezenta hosi Ministru Administrasaun Estatál, Miguel Pereira de Carvalho.

“Proposta-Lei ida-ne’e ho objetivu liuliu atu reforsa direitu sidadaun durante eleisaun hodi garante kondisaun nesesária ba realizasaun votu,” Ministru Prezidénsia Konsellu Ministru, Fidelis Manuel Leite Magalhães, relata hafoin ramata reuniaun ezekutivu, iha Palásiu Governu, kinta ne’e.

Notísia relevante: Governu sei altera Lei Eleitorál ba Prezidente Repúblika

Ho alterasaun ne’e, Governu hakarak halo rekizitu formál ba kandidatura, klarifikasaun, realizasaun proses eleitorál no fasilita kondisaun ba direitu votu sidadaun sira.

“Objetivu prinsipál maka atu garante katak bele iha biban ba nesesidade hotu ezerse direitu demokrátiku,” Portavós Governu subliña.

Jornalista: Antónia Gusmão

Editora: Julia Chatarina

HAKEREK NO HATÁN

Please enter your comment!
Please enter your name here