Prosesu haloot mate-isin dahuluk ne’ebé mate ho COVID-19, iha Semiteriu Metinaro, tersa (06/04). Imajen Tatoli/Joanico de Araújo.

DILI, 06 abríl 2021 (TATOLI)—Sala Situação Centro Integrado Gestão de Crise (SS-CIGC), rejista kazu mate na’in ida, pozitivu foun na’in 13 ne’ebé detetadu iha Munisípiu Dili na’in 10, Munisípiu Baucau na’in-tolu no númeru pasiente atuál 485.

“Ita rejista ema mate na’in-ida, kazu foun ohin 13, totál kazu ativu 485. Hosi totál kazu foun ohin mane sia, feto haat ne’ebé hotu-hotu   asintomátiku,” Koordenadór Forsa-Tarefa ba Prevensaun no Mitigasaun, Rui Maria de Araújo fó-sai dadus ne’e, liu hosi konferénsia imprensa iha Centro Convenções Dili (CCD), tersa ne’e.

Notísia relevante:COVID-19: kazu foun 52, rekoperadu 27 no ativu 472

Nune’e, kazu detetadu ka pozitivu iha Munisípiu Dili husi loron  7 marsu to’o ohin, 06  abríl hamutuk hotu 622.

Ho  baze ba informasaun ne’ebé ekipa konjunta saúde nian rekolla, foku ka cluster kazu pozitivu iha Dili, hetan revizaun hanesan tuir mai, foku propagasaun cluster  totál kumulativu kazu ba loron 06 abríl, Aldeia Terra Santa, Suku Madohi kazu 20,  Aldeia 7 de Dezembro, Suku Madohi ida,  Aldeia Betó Oeste, Suku Madohi rua,  Aldeia 4 Setembro, Comoro neen, Aldeia Fomento I, Suku Comoro lima, Aldeia Fomento II, Suku Comoro lima,  Aldeia Fomento III, Suku Comoro tolu, Aldeia Aimutin, Suku Comoro haat, Aldeia 30 de Agosto, Suku Comoro 35, Aldeia Rosario, Suku Comoro ualu, Aldeia São José, Comoro ida, Aldeia Ramelau suku Comoro kazu foun ida, Aldeia 12 de Outubru, Suku Comoro sia, Aldeia Golgota suku Comoro ualu.

Aldeia Beduku suku Comoro iha kazu ida, Aldeia moris foun A suku Comoro iha neen, Aldeia 02, Suku Fatuhada hitu, Aldeia 03, Suku Fatuhada 60, Aldeia 04 Marconi, Suku Fatuhada lima,  Aldeia 05, Suku Fatuhada 20,  Aldeia 20 de Setembro, Suku Bebonuk 67,  Aldeia Metin 1, Suku Bebobuk 18,  Aldeia Metin 2, Suku Bebonuk ida, Aldeia Metin 3, Suku Bebonuk tolu, Aldeia Metin 4, Suku Bebonuk tolu.

Aldeia Lesibutak, Suku Manleuana tolu,  Aldeia Efaka, Suku Manleuana ida, aldeia  Mane mesak suku Manleuana ida, Aldeia Lemkari suku Manleuana ida,  Aldeia Aninfuik, Suku Kampung Alor rua, Aldeia Railakan  suku Kampung Aalor  11,  Aldeia 03 suku Kampung Alor  tolu,  Aldeia Avansa, Suku Bairro Pité 10,  Aldeia TAT, Bairro Pité haat, Aldeia Rio de Janeiro, Suku Bairro Pité tolu,  Aldeia Rai Nain, Suku Bairro Pité rua. 

Aldeia Fretak suku Bairro Pite ida, Aldeia Manufuik, Suku Vila Verde ida,   Aldeia 1 de Setembro, Vila Verde 22, Aldeia Hura, Suku Motael rua, Aldeia Halibur, Suku Motael 12,  Aldeia Be Dalan suku Motael ida, Aldeia Monumento Calma, Suku Lahane Oriental 16, Aldeia Temporal suku Lahane ida,  Aldeia Mura, Suku Santa-Cruz lima,  Aldeia Moris Foun, Suku Santa Cruz ida, Aldeia Loke Neon, Suku Santa Cruz ida.

Aldeia Maucoco Mate, Suku Becora 19, Aldeia Berbidu, Suku Becora haat, Aldeia Kakeu-Laran, Suku Becora ida,  Aldeia Becussi Kraik, Becora rua, Aldeia Motaulun, Suku Becora neen,  Aldeia Ailok suku Becora  rua, Aldeia Klak fuik suku Becora ida, Aldeia Kulau suku Becora ida, Aldeia Benamauk suku Becora rua.

Aldeia Toko Baru 2, Suku Kulu-Hun 20,  Aldeia Funu Hotu, Suku Kulu-Hun rua, Aldeia kulun de baixo suku Kuluhun rua, Aldeia Mota-Klaran, Bidau Santana neen, Aldeia Sagrada Familia, Suku Bidau Santana 10,  Aldeia Bidau Manumata, Suku Bidau Santana rua, Kuarentena 14, Clinica Bairro Pité tolu, Quartel Generál F-FDTL haat, Ataúro  tolu.

Ho nune’e, iha Munisipiu Dili, iha  loron 3, 4 no 6 abríl, cluster mosu sanulu-resin.  Totál iha cluster 68 maka sei nafatin hatudu atividade hada’et-tutan virus SARS-CoV-2, hosi ema ida ba ema seluk, liu-liu iha Suku Madohi, Bebobuk, Fatuhada, Comoro, Bairro Pité, Motael, Kulu-Hun, Lahane Oriental no Becora.

“Hanesan ohin dader  hato’o ona liu hosi  órgaun komunikasaun sosiál-sira kazu pozitivu ida ne’ebé  deteta iha loron 24 marsu  ohin tuku 07:10  dader husik iis iha fatin izolamentu ba kazu grave iha Lahane. Ninia funerál  hala’o ho protokolu tuir rekomendasaun OMS,” nia informa.

Istoria klinika pasiente nian maka, feto idade 44, disgnóstiku pozitivu SARS-COv-2 iha 24 marsu 2021, foti amostra iha 23 marsu  iha cluster Sagrada Familia Bidau asintomátiku.

Iha uma laran hamutuk ema na’in rua mak pozitivu no sira iha kontaktu besik ho kazu pozitivu ne’ebé diagnóstiku iha cluster hanesan.

Tama iha fatin izolamentu Tasi tolu iha loron 24 marsu. Iha loron 4 abríl matebian keixa fraku han la di’ak hafoin halo observasaun iha Tasi tolu iha loron 05 abríl dader muda ba fatin izolamentu iha Lahane.

Iha fatin izolamentu Lahane hala’o observasaun intensivu ho diagnose traballu (Working diagnosis) COVID-19 kazu grave plus uremia tanba insufisiénsia  renál faze  terminál.

Evolusaun Surtu iha Munisípiu liquiça husi kazu detetadu 52  ne’ebé anunsia iha horseik iha na’in tolu, mak hela iha Dili maibé dezloka ba suku Guiço ho suku Gugleur Postu Administrativu Maubara Munisípiu Liquiça, ekipa saúde buka tuir kontaktu besik sira hotu.

Evolusaun surtu COVID-19 iha Munisípiu Baucau, ohin deteta kazu foun tolu, kazu pozitivu hirak ne’e hosi Dili sem iha autorizasaun  hosi SS-CIGC.

Iha Baucau na’in rua hela iha aldeia Kaibuilale  suku Kaibada  no na’in ida hela iha aldeia  Uatuasa suku Uatuhako postu administrativu Venilale  hamutuk hotu iha Baucau iha 29 kazu  detetadus iha cluster  ualu.

Hosi horisehik mai ohin, Laboratóriu Nasionál Saúde (LNS) halo teste PCR 343, inklui teste 243 ba ema ne’ebé halo pedidu atu hetan autorizasaun esesionál hodi sai hosi serka sanitária iha Munisípiu Dili.

Totál pedidu autorizasaun esesionál atu sai hosi serka sanitária iha Munisípiu Dili, hosi  3 to’o 5     abríl, hamutuk hotu 173.

Sekretariadu CIGC responde hotu kedan,  no aprova  pedidu 169  ne’ebé prienxe kritériu tuir rezolusaun Governu.

Jornalista: Felicidade Ximenes

Editór: Cipriano Colo

PUBLISIDADEiklan

HAKEREK NO HATÁN

Please enter your comment!
Please enter your name here