Segundu Komandante PNTL Munisípiu Dili, Superintendente Euclides Belo. Imajen Tatoli/Eugénio Pereira.

DILI, 02 abríl 2021 (TATOLI)–Segundu Komandante PNTL Dili, Superintendente Euclides Belo, rekoñese Polísia Investigasaun Kriminál no Polísia Forénsiku seidauk bele aprezenta relatóriu investigasaun ba kazu tara-an iha Tasi Tolu.

“Ita halo ona investigasaun, maibé seidauk bele fó-sai, tanba tenke hein rezultadu hosi relatóriu investigasaun ne’e oinsá,” Euclides Belo, hateten hodi responde Agência Tatoli via telefone, sesta ne’e, relasiona ho inan-feto ida ho naran Filomena Fátima, ne’ebé mate ho kondisaun tara-an iha nia uma-laran, iha Aldeia Masin Lidun, Lagoa Tasi-Tolu, Suku Comoro, Postu Administrativu Don Aleixo, Munisípiu Dili.

Notísia relevante: Loron-rua molok tara-an, Filomena husu foos ba viziñu

Euclides Belo dehan, bele deskonfia matebian mate, tanba problema sosiál ka problema partikulár iha família uma-laran, maibé tenke bazeia ba rezultadu hosi relatóriu investigasaun.

Parte PNTL entrega ona mate-isin ba viziñu sira hodi rai iha ninia rezidénsia hodi hein desizaun hosi família sira atu hala’o serimónia funerál.

Jornalista: Eugénio Pereira
Editór: Francisco Simões

PUBLISIDADEiklan

HAKEREK NO HATÁN

Please enter your comment!
Please enter your name here