Polísia halo identifikasaun ba abitante sira ne'ebé dezvia hosi serka sanitária iha Dili atu ba munisípiu. Imajen/Espesiál

DILI, 02 abríl 2021 (TATOLI) – Polísia Nasionál Timor-Leste (PNTL) Munisípiu Dili, sesta-feira Santa ne’e, purvolta tuku 16:00 Otl, detein abitante na’in-79 ne’ebé tenta dezvia hosi serka sanitária iha kapitál Dili atu ba munisípiu parte lorosa’e nian, hanesan Manatuto, Baucau, Viqueque no Lautem.

Abitante sira ne’ebé kompostu hosi  mane na’in-51 no feto 28 ne’e utiliza transporte privada hala’o viajen la hodi ho karta autorizasaun hosi Sentru Integradu Jestaun Krize (CIGC, sigla portugés).

Notísia Relevante : La aguenta ona ho SS iha Dili, abitante sira reklama fila ba munisípiu

Segundu Komandante PNTL Munisípiu Dili, Superintendente Euclides Belo, informa ba Agência Tatoli via telefone, katak polísia halo ona investigasaun no halo identifikasaun ba abitante sira ne’e  no koordena ho ekipa médiku sira hosi Ministériu Saúde halo teste swab  COVID-19 nian hodi kontinua submete ba konfinamentu obrigatóriu ka kuarentena iha Dili.

Jornalista   : Eugénio Pereira

Editór        : Francisco Simões

PUBLISIDADEiklan

HAKEREK NO HATÁN

Please enter your comment!
Please enter your name here