DILI, 02 abríl 2021 (TATOLI)—Sala Situação Centro Integrado Gestão de Crise (SS-CIGC), rejista kazu pozitivu foun COVID-19 na’in 34, ne’ebé detetadu iha munisípiu Dili, kazu rekoperadu na’in 24 no númeru pasiente atuál 461.
“Kazu foun ohin 34, rekoperadu 24 no totál kazu ativu 461. Hosi totál kazu foun ohin, mane 19, feto 15. Sintomátiku na’in-rua no asintomátiku 34,” Koordenadór Forsa-Tarefa ba Prevensaun no Mitigasaun, Rui Maria de Araújo fó-sai dadus ne’e, liu hosi konferénsia imprensa iha Centro Convenções Dili (CCD), sesta ne’e.
Notísia relevante:COVID-19: kazu foun 39 iha Dili-Ermera, atuál 451
Hosi kazu foun hirak ne’e, kompleta kazu detetadu pozitivu iha Munisipiu Dili hosi 7 marsu to’o ohin, 2 abríl 2021, hamutuk hotu 527.
Ho baze ba informasaun ne’ebé ekipa konjunta saúde nian rekolla, foku ka cluster kazu pozitivu iha Dili, hetan revizaun hanesan tuir mai, totál kumulativu kazu iha 7,14,21,28,29,30 ho 31 marsu kontinua hosi 1-2 abril, Aldeia Terra Santa, Suku Madohi 20, Aldeia 7 de Dezembru, Suku Madohi ida, Aldeia Betó Oeste, Suku Madohi rua, Aldeia 4 Setembru, Comoro lima, Aldeia Fomento I, Suku Comoro haat, Aldeia Fomento II, Suku Comoro tolu, Aldeia Fomento III, Suku Comoro rua, Aldeia Aimutin, Suku Comoro haat, Aldeia 30 de Agosto, Suku Comoro 35, Aldeia Rosario, Suku Comoro ualu, Aldeia São José, Comoro ida, Aldeia 12 de Outubru, Suku Comoro ualu.
Aldeia 02, Suku Fatuhada neen, Aldeia 03, Suku Fatuhada 56, Aldeia 04 Marconi, Suku Fatuhada lima, Aldeia 05, Suku Fatuhada 13, Aldeia 20 de Setembro, Suku Bebonuk 67, Aldeia Metin 1, Suku Bebobuk 18, Aldeia Metin 2, Suku Bebonuk ida, Aldeia Metin 3, Suku Bebonuk tolu, Aldeia Metin 4, Suku Bebonuk tolu.
Aldeia Lesibutak, Suku Manleuana tolu, Aldeia Efaka, Suku Manleuana haat, Aldeia Aninfuik, Suku Campo Alor ida, Aldeia Avansa, Suku Bairro Pité 10, Aldeia TAT, Bairro Pité haat, Aldeia Rio de Janeiro, Suku Bairro Pité tolu, Aldeia Rai Nain, Suku Bairro Pité rua (foun).
Aldeia Manufuik, Suku Vila Verde ida, Aldeia 1 de Setembro, Vila Verde ualu, Aldeia Hura, Suku Motael rua, Aldeia Halibur, Suku Motael 12, Aldeia Monumento Calma, Suku Lahane Oriental 15, Aldeia Mura, Suku Santa-Cruz lima, Aldeia Moris Foun, Suku Santa Cruz ida, Aldeia Loke Neon, Suku Santa Cruz ida.
Aldeia Maucoco Mate, Suku Becora 18, Aldeia Berbidu, Suku Becora haat, Aldeia Kakeu-Laran, Suku Becora ida, Aldeia Becussi Kraik, Becora rua, Aldeia Motaulun, Suku Becora neen.
Aldeia Toko Baru 2, Suku Kulu-Hun 18, Aldeia Funu Hotu, Suku Kulu-Hun ida, Aldeia Mota-Klaran, Bidau Santana lima, Aldeia Sagrada Familia, Suku Bidau Santana lima, Aldeia Bidau Manumata, Suku Bidaun Santana rua, Kuarentena 13, Clinica Bairro Pité tolu, Quartel Geral F-FDTL haat, Ataúro rua (foun).
Ho nune’e, iha Munisipiu Dili, iha cluster foun rua, Ataúto ho Aldeia Rai Na’in, Suku Bairro Pité.
Totál iha cluster 50 mak sei nafatin hatudu atividade hada’et-tutan virus SARS-CoV-2, hosi ema ida ba ema seluk, liu-liu iha Suku Madohi, Bebobuk, Fatuhada, Comoro, Bairro Pité, Motael, Kulu-Hun, Lahane Oriental, Becora.
“Hakarak informa mós katak kazu pozitivu rua iha Ataúro, halo viajen hosi Dili iha 31 marsu. Iha Dili sira hela iha Bidaun Santana. Ekipa konjunta saúde buka-tuir hela sira-nia kontaktu-besik iha Dili no mós iha Ataúro,” Rui Maria de Araújo esplika.
Hosi horisehik mai ohin, Laboratóriu Nasionál Saúde (LNS) halo teste PCR ba ema na’in 632, inklui teste 223 ba ema ne’ebé halo pedidu atu hetan autorizasaun esesionál hodi sai hosi serka sanitária iha Munisipiu Dili.
Totál pedidu autorizasaun esesionál atu sai hosi serka sanitaria iha Munisípiu Dili, horisehik 1 abríl, hamutuk hotu 167. Sekretariadu CIGC responde hotu kedan, maibé pedidu 24 la prienxe kritériu tuir Rezolusaun Governu.
CIGC informa mós ba públiku katak, Kazu grave ida ho moderadu na’in-tolu iha fatin Izolamentu Vera Crus, kontinua hatan atensaun hosi ekipa médika. Sira nia kondisaun estável. Kazu moderadu rua hahú halo mobilizasaun no ezerisisu fíziku.
Jornalista: Felicidade Ximenes
Editór: Cipriano Colo
