Grupu Mama Bolu dezinfekta iha edifísiu SAMES, Kampung-Alor, tersa (16/03/21). Imajen Tatoli/António Gonçalves.

DILI, 01 abríl 2021 (TATOLI)—Sala Situação Centro Integrado Gestão de Crise (SS-CIGC), rejista kazu pozitivu foun COVID-19 na’in 39, ne’ebé detetadu iha munisípiu Dili hamutuk 37,  Munisípiu Ermera na’in-rua, iha kazu rekoperadu na’in-tolu no númeru pasiente atuál 451.

“Kazu foun ohin 39. Rekoperadu tolu, totál kazu ativu 451. Hosi totál kazu foun ohin, iha mane 20, feto 19. Sintomátiku na’in-haat no asintomátiku na’in 35,” Koordenadór Forsa-Tarefa ba Prevensaun no Mitigasaun, Rui Maria de Araújo fó-sai dadus ne’e, liu hosi konferénsia imprensa iha Centro Convenções Dili (CCD), kinta ne’e.

Notísia relevante:COVID-19: kazu foun iha Dili 41, ativu 415

Hosi kazu foun 37 ne’ebé detetadu iha Munisípiu Dili, kompleta kazu iha Munisípiu ne’e hahú husi 7  marsu to’o 1 abríl 2021, hamutuk hotu 493.

Ho baze ba informasaun ne’ebé ekipa konjunta saúde nian rekolla, foku ka cluster kazu pozitivu iha Dili, hetan revizaun hanesan tuir mai, foku propagasaun cluster totál kumulativu kazu iha loron 7,14,21,28, 29,30,31 no 1 abríl,  Aldeia Terra Santa, Suku Madohi 18, Aldeia 7 de Dezembru, Suku Madohi ida, Aldeia Betó Oeste, Suku Madohi rua, Aldeia 4 Setembru, Comoro lima, Aldeia Fomento I, Suku Comoro haat, Aldeia Fomento II, Suku Comoro tolu, Aldeia Fomento III, Suku Comoro rua, Aldeia Aimutin, Suku Comoro tolu, Aldeia 30 de Agosto, Suku Comoro 35, Aldeia Rosario, Suku Comoro ualu, Aldeia São José, Comoro ida, Aldeia 12 de Outubru, Suku Comoro ualu.

Aldeia 02, Suku Fatuhada neen, Aldeia 03, Suku Fatuhada 47, Aldeia 04 Marconi, Suku Fatuhada lima, Aldeia 05, Suku Fatuhada 12.

Aldeia 20 de Setembro, Suku Bebonuk 67, Aldeia Metin 1, Suku Bebobuk 18,  Aldeia Metin 2, Suku Bebonuk ida,  Aldeia Metin 3, Suku Bebonuk tolu,  Aldeia Metin 4, Suku Bebonuk ida (foun).

Aldeia Lesibutak, Suku Manleuana tolu,  Aldeia Efaka, Suku Manleuana haat,  Aldeia Aninfuik, Suku Campo Alor ida, Aldeia Avansa, Suku Bairro Pité 10, Aldeia THT, Bairro Pité tolu, Aldeia Rio de Janeiro, Suku Bairro Pité tolu,  Aldeia Manufuik, Suku Vila Verde ida,  Aldeia 1 de Setembro, Vila Verde ida (foun).

Aldeia Hura, Suku Motael rua, Aldeia Halibur, Suku Motael 12, Aldeia Monumento Calma, Suku Lahane Oriental 13, Aldeia Mura, Suku Santa-Cruz lima.

Aldeia Moris Foun, Suku Santa Cruz ida, Aldeia Loke Neon, Suku Santa Cruz ida, Aldeia Maucoco Mate, Suku Becora 18, Aldeia Berbidu, Suku Becora haat,  Aldeia Kakeu-Laran, Suku Becora ida, Aldeia Becussi Kraik, Becora rua, Aldeia Motaulun, Suku Becora haat.

Aldeia Toko Baru 2, Suku Kulu-Hun 18, Aldeia Funu Hotu, Suku Kulu-Hun ida, Aldeia Mota-Klaran, Bidau Santana haat, Aldeia Sagrada Familia, Suku Bidau Santana lima,  Aldeia Bidau Manumata, Suku Bidaun Santana rua, Kuarentena 13, Clinica Bairro Pité tolu, Quartel Geral F-FDTL haat.

Ho nune’e, iha Munisipiu Dili, sei iha cluster 48 mak sei nafatin hatudu atividade hada’et tutan virus SARS-CoV-2, hosi ema ida ba ema seluk, liu-liu iha Suku Madohi, Bebobuk, Fatuhada, Comoro, Bairro Pité, Motael, Kulu-Hun, Lahane Oriental no Becora.

Ohin deteta kazu pozitivu rua iha Munisipiu Ermera. Kazu pozitivu rua ne’e halo viajen hosi DIli ba Letefoho, iha 26 Marsu. Iha Dili, sira hela iha aldeia Golgota, Suku Comoro. Ekipa konjunta saúde sei buka-tuir hela kontaktu-besik sira hotu.  

Hosi horisehik mai ohin Laboratóriu Nasionál Saúde (LNS) teste PCR ba ema 1.228, inklui teste 137 ba ema ne’ebé halo pedidu atu hetan autorizasaun esesionál hodi sai hosi serka sanitária iha Munisipiu Dili.

Totál pedidu autorizasaun esesionál atu sai hosi serka sanitária iha Munisipiu Dili, horisehik 31 marsu, hamutuk hotu 118. Sekretariadu CIGC responde hotu kedan, maibé pedidu 32  la prienxe kritériu tuir Rezolusaun Governu.

Jornalista: Felicidade Ximenes

Editór: Cipriano Colo

HAKEREK NO HATÁN

Please enter your comment!
Please enter your name here