Membru PNTL hala'o hela seguransa iha pontu entrada Tasi-tolu, sesta, (19/03/21). Imajen Tatoli/António Gonçalves.

DILI, 31 marsu 2021 (TATOLI)—Sala Situação Centro Integrado Gestão de Crise (SS-CIGC), rejista kazu pozitivu foun COVID-19 na’in 41, ne’ebé detetadu iha munisípiu Dili, iha mós kazu rekoperadu na’in-ualu no númeru pasiente atuál 415.

“Kazu foun 41, rekoperadu ualu, totál kazu ativu 415. Hosi totál kazu foun ohin iha mane na’in 24, feto na’in 17. Sintomátiku na’in-tolu no asintomátiku na’in 38,”  Koordenadór Forsa-Tarefa ba Prevensaun no Mitigasaun, Rui Maria de Araújo fó-sai dadus ne’e, liu hosi konferénsia imprensa iha Centro Convenções Dili (CCD), kuarta ne’e.

Notísia relevante:COVID-19: pozitivu 51, ativu 382

Ho kazu foun 41 ne’e, kompleta kazu detetadu ka pozitivu iha Munisípiu Dili hosi 7  to’o 31 marsu 2021, hamutuk hotu 456.

Ho baze ba informasaun ne’ebé ekipa konjunta saúde rekolla, foku ka cluster kazu pozitivu iha Dili, hetan revizaun hanesan tuir mai, cluster ka foku propagasaun totál kumulativu kazu konfirmadu iha 7, 14,19,20,21,22,23,24,25,26,27,28,29,30 no 31 marsu,  BTN III –Terra Santa, Suku Madohi  17, Aldeia 7 de Dezembru, Suku Madohi ida, Aldeia Betó Oeste, Suku Madohi rua.

Aldeia 4 Setembru, Comoro haat, Aldeia Fomento I, Suku Comoro haat, Aldeia Fomento II, Suku Comoro tolu, Aldeia Fomento III, Suku Comoro rua, Aldeia Aimutin, Suku Comoro tolu, Aldeia 30 de Agosto, Suku Comoro 30, Aldeia Rosario, Suku Comoro ualu, Aldeia São José, Comoro ida, Aldeia 12 de Outubru, Suku Comoro ualu.

Aldeia 02, Suku Fatuhada neen, Aldeia 03, Suku Fatuhada 42,  Aldeia 04 Marconi, Suku Fatuhada lima, Aldeia 05, Suku Fatuhada 12, Aldeia 20 de Setembro, Suku Bebonuk  67, Aldeia Metin 1, Suku Bebobuk 18, Aldeia Metin 2, Suku Bebonuk ida,  Aldeia Metin 3, Suku Bebonuk tolu.

Aldeia Lesibutak, Suku Manleuana tolu, Aldeia Efaka, Suku Manleuana tolu, Aldeia Aninfuik, Suku Campo Alor ida, Aldeia Avansa, Suku Bairro Pité  10, Aldeia THT, Bairro Pité rua,  Aldeia Rio de Janeiro, Suku Bairro Pité ida, Aldeia Manufuik, Suku Vila Verde ida, Aldeia Hura, Suku Motael rua, Aldeia Halibur, Suku Motael lima.

Aldeia Monumento Calma, Suku Lahane Oriental lima,  Aldeia Mura, Suku Santa -Cruz lima,  Aldeia Moris Foun, Suku Santa Cruz ida, Aldeia Loke Neon, Suku Santa Cruz ida.

Aldeia Maucoco Mate, Suku Becora 18,  Aldeia Berbidu, Suku Becora haat,  Aldeia Kakeu – Laran, Suku Becora ida, Aldeia Becussi Kraik, Becora rua, Aldeia Motaulun, Suku Becora ida, Aldeia Toko Baru 2, Suku Kulu -Hun 18.

Aldeia Funu Hotu, Suku Kulu Hun ida, Aldeia Mota Klaran, Bidau Santana haat, Aldeia Sagrada Familia, Suku Bidau Santana lima, Aldeia Bidau Manumata, Suku Bidaun Santana rua, Kuarentena 12, Clinica Bairro Pité tolu, Quartel Geral F-DTL haat.

Ho nune’e, iha Munisipiu Dili, sei iha cluster 46 maka sei nafatin hatudu atividade hada’et tutan virus SARS-CoV-2 hosi ema ida ba ema seluk, liu-liu iha Suku Bebobuk, Fatuhada ho Comoro.

Hosi horisehik mai ohin, Laboratóriu Nasionál Saúde (LNS) halo teste PCR ba ema hamutuk 1.008, inklui ona iha laran 480, ne’ebé mai hosi pedidu autorizasaun esesionál atu sai hosi serka sanitária iha Munisipiu Dili.

Totál pedidu autorizasaun esesionál atu sai hosi no tama mai serka sanitária iha Munisipiu Dili, horisehik 30 marsu, hamutuk hotu 84. Sekretariadu CIGC responde hotu kedan, maibé pedidu 21  la prienxe kritériu tuir Rezolusaun Governu.

SS-CIGC  apela ba komunidade iha fatin ne’ebé maluk rekoperadu-sira hela bá, favór labele tauk, tanba sira ne’ebé sai hosi fatin izolamentu, ekipa saúde sertifika ona katak, sira laiha ona risku atu hada’et-tutan virus ba ema seluk.

Apela ba populasaun Timor-Leste tomak, liu-liu iha Munisipiu Dili, Baucau ho Viqueque atu nafatin hakmatek, lalika sé tilun ba lia-anin ka rumó-sira, pratíka nafatin Uza mascara, fase liman beibeik ho sabaun, evita kose liman ba matan, inus ho ibun, bainhira kumprimenta-malu, la presiza ka’er-liman, bensa-liman, rei-malu ka haku’ak-malu, evita halibur-malu barak,  hamri’ik ka tur do’ok husi ema seluk, mínimu metru ida ho balun.

Jornalista: Felicidade Ximenes

Editór: Cipriano Colo

HAKEREK NO HATÁN

Please enter your comment!
Please enter your name here