Ilustrasaun COVID-19/Espesial.

DILI, 27 marsu 2021 (TATOLI)–Sala Situação Centro Integrado Gestão de Crise (SS-CIGC), ohin, Timor-Leste rejista tan kazu pozitivu foun COVID-19 na’in-28, kazu 26 ne’e detetatu iha Dili no rua (2) seluk iha Munisípiu Baucau.

Notísia Relevante: COVID-19: pozitivu 58, rekoperadu 17 no ativu 298

“Kazu foun iha Munisípiu Dili aumenta na’in-26, iha Munisípiu baucau aumenta na’in-rua (2), restu mantein hanesan babain,” Koordenadór Forsa-Tarefa ba Prevensaun no Mitigasaun, Rui Maria de Araújo, fó-sai liuhosi konferénsia imprensa iha Centro Convenções Dili (CCD), liuhosi Zoom, sábadu ne’e.

Rui Maria de Araújo hatutan, dadus jerál nivél nasionál nian ne’e kazu foun iha 28, kazu rekuperadu iha na’in-rua (2), kazu ativu ka iha izolamentu iha na’in-324. Hosi kazu foun ne’e mane na’in-15, feto na’in-13, sintomátiku lijeiru na’in-haat, asintomátiku na’in-14, sintomátiku moderadu iha na’in-tolu (3).

Hosi horseik mai ohin, nia hatutan, hamutuk hotu iha Laboratóriu Nasionál Saúde halo teste hamutuk 611, inklui ona iha laran 252 ne’ebé mai hosi pedidu autorizasaun exepsionál atu sai hosi Serka Sanitária iha Munisípiu Dili.

Evolusaun kazu iha Dili

Ohin, iha Munisipiu Dili kazu foun foun 26, nune’e kazu detetadu ka pozitivu iha Munisipiu Dili hosi 7 marsu to’o 27 marsu hamutuk 318. Kazu detetadu iha Dili ne’e fahe ba cluster 52, iha suku ka iha Postu Administrativu Don Alexo, Vera Cruz, Nain Feto, no Cristo Rei. Hosi cluster 52 ne’e, iha cluster 20 mak iha semana ida nia laran laiha kazu foun.

Ohin iha cluster foun tolu. Cluster foun ida iha Aldeia 04 Suku Fatuhada ne’e iha kazu foun rua (2}, cluster foun seluk iha Aldeia Metin 2, Suku Bebonuk, iha kazu foun ida (1), iha cluster foun ida iha Aldeia FAK Suku Manleuana iha kazu foun rua (2).

Evolusaun kazu iha Baucau

Ohin, iha Munisípiu Baucau deteta tan kazu rua (2), nafatin iha Aleia Builai, Suku Buibau, Postu Asministrativu Baucau Vila. Sira na’in-rua (2) ne’e, kontaktu ho sira-ne’ebé pozitivu tiha ona iha cluster hanesan. Ho nune’e, agora iha Baucau kazu 26, iha cluster hitu (7).

Jornalista: Hortencio Sanchez

Editór: Cancio Ximenes

 

HAKEREK NO HATÁN

Please enter your comment!
Please enter your name here