Ilustrasaun COVID-19. Imajen/Espesiál

DILI, 26 marsu 2021 (TATOLI)— Sala Situação Centro Integrado Gestão de Crise (SS-CIGC), ohin, rejista tan kazu pozitivu foun COVID-19 na’in 58 ne’ebé detetadu hosi munisípiu Dili 54 ho baucau haat, ne’ebé halo númeru pasiente baixa sa’e ba 298.

“Ita rejista tan kazu foun 58, rekoperadu 17 no totál kazu ativu 298,” Koordenadór Forsa-Tarefa ba Prevensaun no Mitigasaun, Rui Maria de Araújo fó-sai kazu pozitivu hirak ne’e, liu hosi konferénsia imprensa iha Centro Convenções Dili (CCD), sesta ne’e.

Notísia relavente:COVID-19: pozitivu foun 22, rekoperadu 12 no ativu 257

Hosi kazu foun na’in 58 ohin, iha mane na’in 27, feto na’in 31.  Ema sintomátiku na’in-neen, asintomátiku na’in 52.

Evolusaun iha Dili

Munisípiu Dili, ohin iha kazu foun 54, ho detalla hanesan tuir mai, kazu pozitivu ida, hela iha Aldeia Funu Hotu, Suku Kuluhun. Pozitivu ida ne’e deteta iha atividade vijilánsia sentinela.

Kazu Pozitivu ida, hela iha Aldeia Aimutin, Suku Comoro, Pozitivu ida ne’e deteta iha HNVG. Kazu Pozitivu ida, hela iha Aldeia Betó Oeste, Suku Madohi, kontaktu-besik ho cluster ezistente.

Kazu pozitivu ida, hela iha Aldeia 05, Suku Fatuhada, kontaktu-besik ho cluster ezistente. Kazu pozitivu ida, hela iha Aldeia Toko Baru 2, Suku Kulu-hun, kontaktu-besik ho cluster ezistente.

Kazu pozitivu ida, hela iha Aldeia Bidau Manumata, Suku Bidau Santana, kontaktu-besik ho cluster ezistente.

Kazu pozitivu ida, hela iha Aldeia Fomentu 2, Suku Comoro, kontaktu-besik ho cluster ezistente. Kazu pozitivu rua, hela iha Aldeia 02, Suku Fatuhada, kontaktu-besik ho cluster ezistente.

Kazu pozitivu rua, hela iha Aldeia Lemkari, Suku Manleuana, kontaktu-besik ho cluster ezistente.

Kazu pozitivu hitu, hela iha Aldeia 30 Agosto, Suku Comoro, kontaktu-besik ho cluster ezistente. Kazu pozitivu hitu, hela iha Aldeia Maucocomate, Suku Becora, kontaktu-besik ho cluster ezistente.

Kazu pozitivu 11, hela iha Aldeia Metin I, Suku Bebonuk, kontaktu-besik ho cluster ezistente. Kazu pozitivu neen, hela iha Aldeia Rosario, Suku Madohi, kontaktu-besik ho cluster ezistente.

Kazu pozitivu haat, hela iha Aldeia Mura, Suku Santa Cruz, kontaktu-besik ho cluster ezistente. Kazu pizitivu ualu, deteta iha kuarentena lubuk ida iha Dili laran. Kazu pozitivu hirak ne’e, ida profisionál saúde ne’ebé kontaktu ho kazu pozitivu, na’in hitu halo viajen hosi Portugál, Itália ho Filipina.

“Ho nune’e, kazu detetadu ka pozitivu iha Munisípiu Dili husi 7 to’o 26 marsu 2021, hamutuk hotu 292, Rui Maria de Araújo.

Ho baze ba informasaun ne’ebé ekipa konjunta saúde nian rekolla, foku ka cluster kazu pozitivu iha Dili, hetan revizaun hanesan tuir mai, cluster ka foku propagasaun totál kumulativu kazu konfirmadu iha 7, 14, 9, 20, 21, 22, 23, 24, 25 no 26 marsu, BTN II-Terra Santa, Suku Madohi sia, BTN III –Terra Santa, Suku Madohi 11, Aldeia Gólgota, Madohi tolu, Aldeia Loron matan, Suku Madohi haat, Aldeia 7 Dezembru, Suku Madohi ida, Aldeia Betó Oeste, Suku Madohi ida.

Aldeia Tasi Mean, Suku Comoro ida, Aldeia 4 Setembru, Comoro tolu, Aldeia Fomentu I, Suku Comoro tolu, Aldeia Fomentu II, Suku Comoro tolu, Aldeia Fomentu III, Suku Comoro rua, Aldeia Aimutin, Suku Comoro rua, Aldeia São Miguel, Suku Comoro ida, Aldeia 30 Agosto, Suku Comoro sia, Aldeia Rosario, Suku Comoro hitu.

Aldeia 02, Suku Fatuhada haat, Aldeia 03, Suku Fatuhada 10, Aldeia 05, Suku Fatuhada sia, Aldeia 20 Setembro, Suku Bebonuk 57, Aldeia Metin I, Suku Bebobuk 12, Aldeia Metin III, Suku Bebonuk tolu.

Aldeia Lesibutak, Suku Manleuana tolu, Aldeia Teki-Teki, Suku Bairru Pité ida, Aldeia Frekat, Suku Bairru Pite haat, Aldeia 5 outubru, Suku Bairru Pité ida, Aldeia Avansa, Suku Bairru Pité sia.

Aldeia Aninfuik, Suku Campo Alor ida, Aldeia Mate Restu, Suku Vila Verde rua, Aldeia Gideon, Suku Vila Verde ida, Aldeia Hura, Suku Motael ida, Aldeia Lirio, Suku Motael rua, Aldeia Formosa, Suku Gricenfor ualu, Aldeia Taibessi Calma, Suku Lahane Oriental ida, Aldeia Mura, Suku Santa-Cruz lima.

Aldeia Maucoco Mate, Suku Becora 15, Aldeia Auhun, Suku Becora ida, Aldeia Berbidu, Suku Becora tolu, Aldeia Kakeu-Laran, Suku Becora ida, Aldeia Toko Baru II, Suku Kulu-Hun 17, Aldeia Funu Hotu, Suku Kulu-Hun ida, Aldeia Mota-Klaran, Bidau Santana haat, Aldeia Sagrada Familia, Suku Bidau Santana lima, Aldeia Bidau Manumata, Suku Bidaun Santana rua.

Hospital Nasional Guido Valadares lima, Kuarentena iha Dili laran 10, Ministériu Finansa tolu, SEFOPE sia, Ministériu Transportes no Komunikasaun rua, EMONC (Emergency Obstetrics and Neonatal Care) training iha Hospital Nacional Guido Valadares haat.

Kazu detetadu 292 iha Dili ne’e, fahe ba cluster 49, namkari iha instituisaun haat, eventu ida no fatin kuarentena rua, suku 16, iha Postu Administrativu Dom Aleixo, Vera Cruz, Na’in-Feto no Cristo Rei. Husi cluster 49 ne’e, iha cluster 21 maka semana ida-nia laran, laiha kazu foun.

Evolusaun iha Baucau

Iha Munisipiu Baucau, ohin iha kazu foun haat, hosi Aldeia Builai, Suku Buibau.

Hamutuk hotu iha Baucau iha Kazu detetadu 24, iha cluster hitu, hanesan tuir mai, iha 2, 13, 14, 17, 19, 21, 23, 24, 25 no 26 marsu, Aldeia Lutumutu, Suku Tirilolo haat, Aldeia Caiubilale, Caibada ida, Aldeia Afagua, Wailili tolu, Aldeia Casmuto, Suku Buruma ida, Aldeia Lamegua, Suku Bahu ida,  Aldeia Buile, Suku Bahu rua, Aldeia Builai, Suku Buibau 12.

Evolusaun iha Viqueque

Iha Munisípiu Viqueque, ohin laiha kazu foun. Hamutuk hotu Munisipiu Viqueque deteta ona kazu konfirmadu na’in 10.

Ho nune’e kazu detetadu iha Munisipiu Viqueque fahe ba cluster tolu hanesan tuir mai, iha 15, 18, 21, 22, 23, 24, 25 no 26 marsu, Aldeia Lari, Suku Afaloikai, Uatulari ida, Aldeia Umaneiku, Suku Ossu de Cima, Ossu tolu,  Aldeia Mamulak, Suku Karaubalu, Viqueque neen.

Evolusaun iha Munisípiu seluk-RAEOA

Evolusauan COVID-19 iha Munisípiu seluk no Rejiaun Administrativa Espesiál Oe-cusse Ambeno (RAEOA) ho Lautém sei mantein ho kazu detetadu ida. Munisípiu sira seluk, hala’o atividade hanesan baibain.

Hosi horisehik mai ohin, Laboratóriu Nasionál Saúde (LNS) halo  testes PCR ba ema na’in 886. Hosi horisehik mai ohin, teste PCR ba ema atu hetan autorizasaun esesionál sai hosi serka sanitária Munisipiu Dili hamutuk 149.

Hosi horisehik mai ohin, iha pedidu autorizasaun esesionál atu sai hosi no tama mai serka sanitária iha Munisípiu Dili, hamutuk hotu 45. Sekretariadu CIGC responde hotu. Hosi totál ida ne’e, pedidu 26 mak prienxe kritériu tuir Rezolusaun Governu.

Apelu

SS-CIGC husu populasaun iha Munsípiu Dili no mós munisípiu-sira seluk, bainhira sente isin manas, kakorok moras, inus-been, mear, favór hakat ba Sentru Saúde ne’ebé besik-liu atu bele hetan atendimentu.

Apela ba populasaun Timor-Leste tomak, liu-liu iha Munisípiu Dili, Baucau ho Viqueque atu nafatin hakmatek, lalika sé tilun ba lia-anin ka rumór.

Tenke pratíka nafatin medida sira Uza mascara, fase liman beibeik ho sabaun, evita kose liman ba matan, inus ho ibun, bainhira kumprimenta-malu, la presiza ka’er-liman, bensa-liman, rei-malu ka haku’ak-malu, evita halibur-malu barak, hamri’ik ka tur do’ok hosi ema seluk, mínimu metru ida ho balun.

Jornalista: Felicidade Ximenes

Editór: Cipriano Colo

HAKEREK NO HATÁN

Please enter your comment!
Please enter your name here