Prezidente Autoridade Munisípal Dili, Gaspar Soares. Imajen/Tatoli

ILI, 26 marsu 2021 (TATOLI)—Prezidente Autoridade Munisípiu (PAM) Dili, Gaspar Soares, informa durante 2017 to’o 2021, Autoridade Munisípiu Dili (AMD) kontribui reseita ho valor $672.037,86 hosi fonte lisensiamentu mensajen publisidade no estasionamentu ba kofre Estadu.

Notísia Relevante: Janeiru-Fevereiru, MAE Hatama Reseita $8.794 ba Kofre Estadu

“Autoridade Munisípiu Dili hatama reseita ba kofre Estadu hamutuk $672.037,86. Taxa hosi lisensiamentu mensajén publisidade Munisípiu Dili hahú 2017 to’o fevereiru 2021 hamutuk $560.991,06 no taxa hodi estasionamentu iha Munisípiu Dili hosi 2017 to’o fevereiru 2021 hamutuk $111.046,80,” Gaspar Soares informa ba Agência TATOLI, via telefónika, sesta ne’e.

Gaspar Soares hatutan, reseita ne’ebé tama iha Autoridade Munisípiu Dili hanesan reseita doméstika, tanba ne’e sei tama hotu iha iha konta tezouru ministériu finansa nian, hafoin iha elaborasaun Orsamentu Jerál Estadu (OJE), englobe hotu tiha mak mosu iha OJE hanesan reseita global Estadu nian.

“Reseita hotu-hotu sei tama iha tizouru, hafoin tinan-tinan mak sei hetan fali Orsamentu Jerál Estadu (OJE) ba iha munisípiu sira,” nia esplika.

Aleinde ida-ne’e, nia dehan, ba empreza no loza sira-ne’ebé mak agora sira seidauk kumpre lei kona-ba lisensimentu mensajén publisidade nian, Autoriedade Munisípiu Dili sei atu kontinua fali halo sensibilizasaun para hotu-hotu tenke kumpre lei refere.

Iha sorumutu Konsellu Ministru nian iha loron 14 fulan-setembru tinan 2011, aprova ona, iha jeneralidade, Reijime Jurídiku kona-ba Atividade sira Publisidade nian. Tanba atividade ekonómika sira ne’ebé sa’e ba beibeik no ezijénsia kona-ba konvivénsia entre konsumidór sira no servisu oioin sira-ne’ebé iha, sei impoin ba dala uluk, dixiplina normativa ida, ba prosesu lisensiamentu ba mensajen publisidade nian sira, no prevee tipolojia ida nune’e mós ho kolokasaun no inkrisaun kona-ba fatin sira atu koloka publisidade.

Notísia Relevante: Estasionamentu Dili Aumenta Taxa ba Estadu

Jornalista: Osória Marques

Editór: Cancio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here