PNTL-Mama Bolu serbisu hamutuk ho PNTL dezinfekta fatin públiku iha Dili. Imajen Tatoli/António Gonçalves.

DILI, 24 marsu 2021 (TATOLI)—Sala Situação Centro Integrado Gestão de Crise (SS-CIGC), ohin, kontinua rejista tan kazu pozitivu foun COVID-19 na’in 21 ne’ebé detetadu hosi munisípiu Dili ho Baucau, no númeru pasiente ne’ebé baixa hamutuk 247.

“Kazu foun iha 21, rekoperadu ida no ativu 247. Kazu 21 ne’e, iha mane na’in 11, feto na’in 10. Ema sintomátiku na’in-haat, asintomátiku na’in 17,” Koordenadór Forsa-Tarefa ba Prevensaun no Mitigasaun, Rui Maria de Araújo fó-sai kazu pozitivu hirak ne’e, liu hosi konferénsia imprensa iha Centro Convenções Dili (CCD), kuarta ne’e.

Notísia relavente:COVID-19: pozitivu 16, totál pasiente 227

Evolusaun iha Dili

Evolusaun ohin iha Munisipiu Dili tuir SS-CIGC katak, iha kazu foun 20, ho detalla hanesan tuir mai,  kazu pozitivu tolu, hela iha aldeia Bidau Mota-klaran, Suku Bidau-Santana, Postu Administrativu Cristo Rei. Pozitivu hirak ne’e kontaktu-besik ho kazu iha cluster hanesan, ne’ebé anunsía horisehik.

Kazu pozitivu hitu, hela iha aldeia 20 Setembru, Suku Bebonuk, Postu Administrativu Dom Aleixo. Pozitivu hirak ne’e kontaktu-besik ho kazu iha cluster hanesan.

Kazu pozitivu haat, hela iha aldeia Sagrada Família, Suku Bidau Santana, Postu Administrativu Cristo Rei. Pozitivu hirak ne’e kontaktu-besik ho kazu iha cluster Toko Baru II.

Kazu pozitivu rua, hela iha aldeia Bekusi-Sentru, Suku Becora, Postu Administrativu Cristo Rei. Pozitivu sira ne’e, ida kontaktu besik ho kazu ida iha cluster 20 Setembru, ida kontaktu-besik ho kazu iha cluster HNGV.

Kazu positivu ida, iha fatin quarentena Hotel Ramelau. Kazu ida ne’e hela iha aldeia Ramelau. Ekipa konjunta sei buka-tuir hela ligasaun ho cluster sira ne’ebé iha ona.

Kazu pozitivu ida, hela iha aldeia 30 Agosto, Suku Comoro, Postu Administrativu Dom Aleixo. Pozitivu ida ne’e deteta iha atividade vijilánsia sentinela iha Sentru Saúde Comoro. Ekipa konjunta sei buka tuir hela ninia ligasaun ho cluster sira seluk.

Kazu pozitivu ida, hela iha aldeia Metin I, Suku Comoro, Postu Administrativu Dom Aleixo. Pozitivu ida ne’e kontaktu-besik hosi kazu ida iha cluster aldeia 20 Setembru.

Kazu Pozitivu ida, hela iha aldeia 02, Suku Fatuhada, Postu Administrativu Dom Aleixo. Pozitivu ida ne’e deteta iha atividade vijilánsia sentinela iha Sentru Saúde Comoro. Ekipa konjunta sei buka tuir hela ninia ligasaun ho cluster sira seluk.

“Ho nune’e, kazu detetadu ka pozitivu iha Munisipiu Dili hosi 7 to’o 24 marsu 2021, hamutuk hotu 217,” Rui Maria de Araújo subliña.

Ho baze ba informasaun ne’ebé ekipa konjunta saúde nian rekolla, foku ka cluster kazu pozitivu iha Dili, hetan revizaun tuir cluster ka foku propagasaun totál kumulativu kazu konfirmadu  iha 7, 19, 20, 21, 23, no 24 marsu, BTN II-Terra Santa, Suku Madohi sia, BTN III –Terra Santa, Suku Madohi 10, aldeia Gólgota, Madohi tolu, aldeia Loron matan, Suku Madohi haat, aldeia Tasi Mean, Suku Comoro ida, aldeia 4 Setembru, Comoro rua, aldeia Fomento I, Suku Comoro tolu, aldeia Fomento II, Suku Comoro ida, aldeia Fomento III, Suku Comoro rua, aldeia Aimutin, Suku Comoro ida, aldeia São Miguel, Suku Comoro ida, Aldeia 30 Agosto, Suku Comoro ida (foun).

Aldeia 02, Suku Fatuhada ida (foun), aldeia 03, Suku Fatuhada hitu, aldeia 05, Suku Fatuhada neen.

Aldeia 20 Setembru, Suku Bebonuk 57, aldeia Metin I, Suku Bebobuk ida (foun), aldeia Metin III, Suku Bebonuk ida.

Aldeia Teki-Teki, Suku Bairru Pité ida, aldeia Frekat, Suku Bairro Pite haat, aldeia 5 Outubru, Suku Bairru Pité ida, aldeia Avansa, Suku Bairru Pité sia.

Aldeia Aninfuik, Campo Alor ida, aldeia Mate Restu, Suku Vila Verde rua, aldeia Gideon, Suku Vila Verde ida, aldeia Hura, Suku Motael ida, aldeia Lirio, Suku Motael ida, aldeia Formosa, Suku Gricenfor ualu.

Aldeia Maucoco Mate, Suku Becora ualu, aldeia Auhun, Suku Becora ida, aldeia Berbidu, Suku Becora tolu, aldeia Kakeu-Laran, Suku Becora ida, aldeia Toko Baru 2, Suku Kulu-Hun 15, aldeia Mota-Klaaran, Bidau Santana haat, aldeia Sagrada Familia, Suku Bidau Santana haat (foun),  Hospital Nasional Guido Valadares lima, Kuarentena Carla Masion ida, Kuarentena Hotel Ramelau ida (foun), Ministériu Finansa tolu, SEFOPE tolu, Ministériu Transporte no Komunikasaun rua, EMONC (Emergency Obstetrics and Neonatal Care) training iha Hospital Nacional Guido Valadares 12.

Kazu detetadu 217 iha Dili ne’e, fahe ba cluster 42, namkari iha instituisaun haat, eventu ida, fatin kuarentena rua, suku 14 iha Postu Administrativu Dom Aleixo, Vera Cruz, Na’in-Feto no Cristo Rei.

Husi cluster 42 ne’e, iha cluster 14 maka semana ida, loron loron 6, la iha kazu foun. Cluster 20 Setembru, Suku Bebonuk, hosi 14 marsu to’o ohin, sei ativu nafatin ho totál iha ona kazu 57 detetadu.

Iha loron 10 nia laran aumenta hosi kazu detetadu na’in-rua ba 57, hosi kazu 57 ne’e, mane 23, feto 34. Idade tinan 14 mai kraik na’in-sia, idade tinan 15-59 na’in 47 no idade 60 ka bo’ot liu na’in-ida.

Evolusaun iha Baucau

Ohin, evolusaun COVID-19 iha Munisípiu Baucau iha kazu foun ida. Kazu ida ne’e, kontaktu besik hosi aldeia Builé Suku Babú.

Hamutuk hotu iha Baukau iha kazu 20 detetadu, iha cluster hitu, tuir cluster ka foku propagasaun totál kumulativu kazu konfirmadu iha 2, 13, 14, 17, 19, 21, 23 no 24 marsu, aldeia Lutumutu, Suku Tirilolo haat, aldeia Caiubilale, Caibada ida, aldeia Afagua, Wailili tolu, aldeia Casmuto, Suku Buruma ida, aldeia Lamegua, Suku Bahu ida, aldeia Buile, Suku Bahu rua, aldeia Builai, Suku Buibau ualu.

Evolusaun iha Viqueque

Evolusaun COVID-19 iha Munisípiu Viqueque, ohin laiha kazu foun. Hamutuk hotu Munisipiu Viqueque deteta ona kazu konfirmadu na’in 10.

Ho nune’e Kazu detetadu iha Munisipiu Viqueque fahe ba cluster tolu tuir foku propagasaun totál kumulativu kazu konfirmadu iha 15, 21, 22, 23, no 24 marsu, aldeia Lari, Suku Afaloikai, Uatulari ida, aldeia Umaneiku, Suku Ossu de Cima, Ossu tolu, aldeia Mamulak, Kuku Karaubalu, Viqueque neen.

Evolusaun iha Lautém

Iha Munisipiu Lautem, ohin laiha kazu foun.

Hosi horiseik mai ohin, SS-CIGC halo teste PCR ba ema na’in 971, no horisehik mai ohin, halo teste PCR ba ema atu hetan autorizasaun esesionál hodi sai hosi serka sanitária hosi Munisipiu Dili hamutuk 344.

Apelu

SS-CIGC  apela nafatin ba populasaun ne’ebé saí hosi Dili ba munisípiu sira seluk, entre 5 to’o 9 marsu madrugada, molok serka sanitária hahú tama iha vigór iha Dili, atu favór ida aprezenta-an ba autoridade saúde-sira ne’ebé besik-liu, iha imi nia hela fatin, hodi bele hetan atendimentu.

Apela mós ba komunidade iha munisipiu-sira hotu, bainhira hatene kona-bá ema ruma ne’ebé sai hosi Dili molok serka sanitária hahú iha Dili, halo favór informa hela autoridade-sira atu bele halo atendimentu ba sira.

Husu populasaun iha Munsípiu Dili no mós munisípiu-sira seluk, bainhira sente isin manas, kakorok moras, inus-been, mear, favór hakat ba Sentru Saúde ne’ebé besik-liu atu bele hetan atendimentu.

Apela ba populasaun Timor-Leste tomak, liu-liu iha Munisípiu Dili, Baucau, Viqueque ho Lautém, atu nafatin hakmatek iha uma-laran no kontinua uza máskara, fase liman beibeik ho sabaun, evita kose liman ba matan, inus ho ibun, bainhira kumprimenta-malu, la presiza ka’er-liman, bensa-liman, rei-malu ka haku’ak-malu, evita halibur-malu barak, hamri’ik ka tur do’ok hosi ema seluk, mínimu metru ida ho balun.

Jornalista: Felicidade Ximenes

Editór: Cipriano Colo

HAKEREK NO HATÁN

Please enter your comment!
Please enter your name here