Prezu sira iha Prizaun Becora. Imajen/Dok.TATOLI

DILI, 18 marsu 2021 (TATOLI)-Dadur sira iha estabelesimentu Prizaun Becora, Dili, hamutuk 556 iha kondisaun seguru.

Hosi númeru dadur hirak ne’e, kompostu hosi dadur kondenadu na’in-446 no dadur  prizaun preventiva hamutuk na’in-110.

Notísia Relevante : MJ suspende vizita prizaun Becora ho Gleno

Diretór Estabelesimentu Prizaun Becora, João Domingos. Imajen Tatoli/Dok.

Diretór Prizaun Becora, João Domingos, hateten Estabelesimentu Prizaun Becora iha serka sanitária no konfinamentu domisiliáriu kontinua aplika nafatin regra saúde públika, hanesan fase-liman beibeik ho sabaun, uza máskara, distánsia sosiál no  fíziku iha prizaun laran.

Ba karreta sira ne’ebé lori hahán ba Guarda Prizionál ho dadur bainhira tama iha aredór prizaun nian halo uluk  dezinfeta ba karreta ho  ema tenke kumpre protokolu saúde  inklui guarda prizionál sira ne’ebé tama servisu.

Guarda prizionál sira mós nafatin halo atendimentu akompaña dadur sira bainhira atu ba partisipa iha julgamentu iha Tribunál Distritál Dili (TDD) ho dadur ne’ebé moras  ba halo tratamentu iha Ospitál Nasionál Guido Valedares (HNGV).

Diretór Prizaun Becora, João Domingos ba Agência Tatoli iha Dili, kinta ne’e, informa Prizaun Becora deside mós suspende atividade vizita hosi família dadúr, suspende atividade sosiál hanesan formasaun ho espirituál ho intensaun atu prevene transmisaun COVID-19 da’et mai iha prizaun laran.

Jornalista   : Nelson de Sousa

Editór        : Francisco Simões

HAKEREK NO HATÁN

Please enter your comment!
Please enter your name here