Membru PNTL fó seguransa ba ekipa saúde durante Estadu Emerjénsia. Imajen Tatoli/António Gonçalves.

DILI, 17 marsu 2021 (TATOLI)-Atu hakotu lalais korrente transmisaun COVID-19 iha kapitál Dili, maka autoridade seguransa husu ba komunidade nia pasiénsia atu kontribui ba regra serka sanitaria no konfinamentu domisiliáriu.

Notísia Relevante : Polísia nota abitante dezvia hosi Dili ba munisípiu parte leste

Segundu Komandante PNTL Munisípiu Dili, Superintendente Euclies Belo, hateten kontribuisaun komunidade nian importante tebes iha luta kontra COVID-19 tanba ne’e atu nafatin kumpre regra saúde públika nian no serka sanitária hodi hela hakmatek iha uma.

Ba Agência Tatoli, kuarta ne’e, iha Komandu PNTL Munisípiu Dili, Euclides Belo, hateten Komandu PNTL Munisípiu Dili kontinua halo patrullamentu no operasaun sira ba fatin públiku, estrada públiku no tama sai bairru apela nafatin ba komunidade hotu atu kumpre regra prevensaun COVID-19 no serka sanitária.

Komandu mós kontinua destaka membru sira hodi asegura pontu entrada tama- sai hanesan iha Tasi Tolu, Metinaro, Manleuana, Beduku ho Palásiu Nobre Lahane.

“Komandu PNTL Munisípiu Dili kontinua implementa regra serka sanitária hodi garante seguransa iha area jurizdisaun Dili nian,’’ Euclides Belo hateten.

Iha serka sanitária no konfinamentu obrigatóriu ne’ebé Governu aplika bandu abitante atu la’o arbiru no tenke hakmatek iha ida-idak nia uma. Bainhira sai karik ba interese urjénsia hanesan sosa hahán ka sosa nesesidade bázika, sosa pulsa eletrisidade no sosa ai-moruk.

Jornalista   : Nelson de Sousa

Editór         : Francisco Simões

PUBLISIDADEiklan

HAKEREK NO HATÁN

Please enter your comment!
Please enter your name here