Euro Atlantic Boeing 767-300ER. Imajen Tatoli/Hortencio Sanchez.

DILI, 13 marsu 2021 (TATOLI)—Ministru Transporte Komunikasaun (MTK), José Agostinho da Silva hateten, aban, aviaun Euro Atlantic sei halo voo hosi Portugal hodi tula pasajeiru na’in-241 ne’ebé kompostu hosi profesór portugueza, traballadór no estudante timor-oan sira mai Dili.

Notísia Relevante: Euro Atlantico tula pasajeiru 195 fila mai TL

José Agostinho da Silva hateten, bazea ba schedule tuir pedidu hosi Embaixada Portugal, aviaun Euro Atlantic ne’e sei hahú sira-nia voo sai hosi Portugal iha domingu loron 14 no sei to’o iha Dili iha segunda-feira, loron 15 marsu. 

“Aviaun Euro Atlantic sei lori pasajeiru totál hamutuk na’in-241. Pasajeiru sira-ne’e mak hanesan profesór portugál sira ne’ebé durante hanorin iha eskola Kafi Likisa, estudante timoroan, traballadór no kargo balun. Aviaun Aero Atlantico ne’e sei hahú sira-nia voo sai hosi Portugal iha domingu, loron 14 no sei to’o iha Dili iha segunda-feira loron 15 marsu, fulan ne’e,” José Agostinho da Silva hateten ba Agência TATOLI liuhosi telefónika, sábadu ne’e.

Tanba, nia hatutan, voo hosi Portugal mai Dili ne’e viajen ho distánsia ne’ebé dook no konforme rute ne’ebé mak sira hola.

“Sira-nia pedidu ne’e koordenadu. Sra-nia pedidu  ne’e mai hosi Exêlensia Primeiru-Ministru,  Ministru Negosiu Estrajeiru Koopersaun (MNEK), Ministru Interior, Ministru Saude, Ministru Transporte Komunikasaun, Sentru Intergradu Jestaun Krize, Prezidente Autoridade Aviasaun Sivil Timor-Leste (sigla portugés, AACTL) no mós mai mós Autoridade Navegasaun Aero Timor-Leste (sigla portugés, ANATL),” Ministru Transporte Komunikasaun ne’e informa.

Tuir nia, bainhira aviaun ne’e mai, parte Autoridade Navegasaun Aero Timor-Leste (sigla portugés, ANATL) sei halo atendimentu ho di’ak no justu hanesan bai-bain halo ba iha aviaun sira seluk.

“Aviaun Euro Atlatic sei to’o iha Dili, iha segunda-feira, loron 15 marsu, iha tuku 6:30 dadeersan,” nia hateten.

Jornalista: Natalino Costa

Editór: Cancio Ximenes

HAKEREK NO HATÁN

Please enter your comment!
Please enter your name here