Profesora Portuguesa sira neebe fila ba Portugal tanba Covid 19 ohin 21 Setembru 2020 wainhira too fali iha aeroportu Internasional Nicolao Lobato.Imajen TATOLI/Antonio Goncalves

DILI, 21 setembru 2020 (TATOLI)-Aviaun Euro Atlantico, iha segunda ne’e, tula ona pasajeiru hamutuk ema na’in 195 fila ona mai Timor-Leste(TL).

Husi totál pasajeiru ne’e, ema na’in 117 husi Portugal, españa na’in ida, Brazil Nain ida, Irlanda na’in ida no restu ne’e estudante Timoroan.

Notísia Relevante :Euro Atlantico sei tula ema 220 mai TL

“Ita-nia Timoroan ne’ebé ohin fila ona ho aviaun  Euro Atlantico ne’e inklui estudante bolseiru 10-resin husi nasaun Kuba, Brazíl na’in hitu, Itália na’in ida no Irlanda  do Norte na’in ida, sira ramata ona estudu maibé laiha vou entaun sira labele fila,” dehan Diretór Jéral Asuntu Konsulár Protokolu previléjiu no Mídia, Ministériu Negosiu Estranjeiru no Kooperasaun (MNEK), Juvencio Martins, ba jornalista sira iha Aeroportu Comoro Dili.

Estudante Timoroan hirak ne’e ramata ona sira nia estudu kle’ur ona maibé foin mak fila mai Timor-Leste tanba laiha aviaun hafoin akontese husi pandemia globál COVID-19.

Enkuantu, sidadaun Portugés sira ne’ebe ohin ho aviaun cs-TKR Euro Atlantico to’o iha Aeroportu Internasionál Nicolau Lobato Dili iha tuku 11:10 Otl; profesór Portugés ne’ebé hanorin iha eskola CAFE ema na’in 10 no Eskola Portugés Dili (EPD) ema 58.

Hafoin to’o iha Dili, Governu aplika kedas kuarentena obrigatóriu durante loron 14 ba pasajeiru sira hodi halo prevensaun ba transmisaun surtu COVID-19 iha Tior-Leste.

Notísia Relevante :Iha posiblidade Aviaun Euro Atlantico mak sei tula Timoroan fila mai TL

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here