Vise-MI António Armindo, entrega apoia nesesidade bázika ba Segundu Komandante PNTL Munisípiu Dili, Superintendente Euclides Belo, tersa (09/03). Imajen/MI

DILI, 10 marsu 2021 (TATOLI)-Vise-Ministru Interiór, António Armindo, entrega nesesidade báziku hanesan supermie, bee, kafé no foos ba Polísia Nasionál Timor-Leste (PNTL) Munisípiu Dili, hodi reforsa servisu postu vijilánsia iha pontu entrada Kapitál Dili  iha ámbitu serka sanitaria.

Apoiu ne’e entrega direta ba Segundu Komandante PNTL Munisípiu Dili, Superintendente Euclides Belo, iha komandu Munisípiu Dili, tersa (09/03).

Notísia Relevante : Reuniaun KM: deside serka sanitária iha Dili durante loron hitu

Lori Komandante PNTL Munisípiu Dili nia naran, Euclides Belo, fó agradesimentu ba Governu liuhosi Vise-Ministru Interiór, tanba bele responde nesesidade polísia nian balun iha ámbitu fó seguransa iha pontu entrada Kapitál Dili.

Liuhosi nota komunikadu ne’e Agência Tatoli asesu  gabinete Vise-MI nian relata  Vise-Ministru Interiór, Antonio Armindo, apoiu ne’e hanesan opsaun ida atu kontribui fasilita servisu PNTL.

“Ha’u mai iha Komandu PNTL Dili hodi fó apoiu nesesidade báziku uitoan ba PNTL Dili,”  António Armindo hateten.

Iha oportunidade ne’e, Vise-Ministru António Armindo, kontinua apela ba povu Timor-Leste atu kontinua kumpre regra Estadu Emerjénsia ba da-XI hodi prevene transmisaun COVID-19

Jornalista   : Nelson de Sousa

Editór        : Francisco Simões

PUBLISIDADEiklan

HAKEREK NO HATÁN

Please enter your comment!
Please enter your name here