Primeiru-Ministru, Taur Matan Ruak, prezide reuniaun Konsellu Ministru estaordinária iha salaun Ministériu Finansa, Aitarak-laran, kuarta (10/03). Imajen TATOLI/Egas Cristóvão

DILI, 10 marsu 2021 (TATOLI)–Konsellu Ministru (KM) delibera ona hodi halo alterasaun dahuluk ba Rezolusaun Governu númeru 12/2021, loron 08 marsu, ne’ebé impoin serka sanitária no konfinamentu iha munisípiu Dili, hahú 09 to’o 15 marsu.

“Ho alterasaun ne’e mós bandu halo dezlokasaun via rai, tasi ka aérea hosi munisípiu seluk mai Dili, exetu iha kazu ne’ebé fundamentu forte ho razaun seguransa, saúde públika, umanitária ka seluk ne’ebé hatudu katak importante duni no ba realizasaun interese públiku nian, ne’ebé hetan autorizasaun hosi Ministériu Interiór no Sentru Integradu Jestaun Krize,” Ministru Prezidénsia Konsellu Ministru, Fidelis Manuel Leite Magalhães, relata hafoin reuniaun ezekutivu iha salaun Ministériu Finansa (MF), Aitarak-laran, kuarta ne’e.

Notisia relevante: Reuniaun KM: deside serka sanitária iha Dili durante loron hitu

Portavós Governu ne’e dehan bainhira la kumpre orden no instrusaun hosi autoridade kompetente sira, sei iha responsabilidade kriminál ba infratór tuir Kódigu Penál.

Aleinde ne’e, Ministru Koordenadór Asuntu Ekonómiku (MKAE) no Ministru Turizmu, Komérsiu no Industriá (MTKI), liuhosi despaisu konjuntu sei define atividade ekonómika no servisu saida maka tenke taka no define regra funsionamentu ba atividade sira seluk ne’ebé maka bele funsiona.

Jornalista: Antónia Gusmão

Editora: Julia Chatarina

HAKEREK NO HATÁN

Please enter your comment!
Please enter your name here