Arkivu Muzeu Rezisténsia Timor-Leste (AMRT). Imajen/Espesiál.

DILI, 03 marsu 2021 (TATOLI)—Diretór Ezekutivu Arquivo e Múseu da Resistência de Timorense ARMT), Hamar Antonino Baptispa Alves, hateten durante AMRT eziste hahú iha tinan 2012 to’o mai agora ne’e AMRT rekolla ona dokumentu istóriku sira hosi na’in ba dokumentu hamutuk 202.

Notísia Relevante: AMRT sei halo jestaun ba arkivu istóriku iha 2021

Nia hatutan, dokumentu ne’ebé sira rekolla la’ós de’it iha rai laran maibé hetan mós hosi Organizasaun Internsionál no solidaridade ne’ebé fó apoiu, balun mai entrega temí organizasaun nian naran no balu mai hosi individu ne’ebé durante ne’e asegura dokumentu istóriku sira-ne’e.

“Totál dokumentu ne’ebé ita rekolla hosi ema ne’ebé rai dokumentu no asegura dokumentu iha tempu susar nia laran, ohin loron entrega ba AMRT na’in loloos ba dokumentu ne’e hamutuk ema na’in 202,” Hamar Antonino Baptispa Alves hateten ba jornalista sira hafoin hamutuk ho Comissão de Pesquisa e Elaboração da História da Luta da Mulher Timor komemora Loron Nasional ba Veteranus hamutuk ho Veteranu sira vizita espozisaun Buibere Hamriik Ukun Rasik-An iha Arquivo e Múseu da Resistência de Timorense (AMRT), kuarta ne’e.

Nia dehan, na’in ba dokumentu 202 ne’e daudaun ne’e sira kaptilla no halo numerasaun hamutuk rihun 50 pastas.

“Dokumentu tratadu iha 15.885 no iha prosesu tratamentu dokumentu mak hamutuk 341.15,” nia informa.

Nia hateten, prosesu tratamentu ne’e signifika dokumentu ne’e mai foufoun sira halo limpeza no kaptilla halo numerasaun pastas garante katak nia fízikamente mós mak foin hatama ba depózitu.

“Hosi depozitu mak ita hanoin ba dijitalizasaun, transfere ba elektróniku, no iha prosesu dijitalizasaun ne’e hotu tiha mak foin ba klasifikasaun dokumentu ho objetivu mak disemina ba povu. Maibé iha dokumentu balun destritu no balun normál ba públiku asesu,” Diretór Ezekutivu AMRT ne’e haktuir.

Tanba ne’e, nia dehan, dokumentu ne’ebé agora asesu liuhosi online ne’e purvolta rihun 15 ona, maibé entrevista livru sira-ne’e balun sijilu tanba liga ba ema-nia privasidade.

Nia haktuir, objetivu AMRT rekolla dadus sira-ne’e tanba bazea ba orientasun ne’ebé mak iha no objetivu prisipál ne’ebé kontempla iha estatutu nia laran ne’e mak oinsá atu prezerva memória pasada.

“AMRT hamriik objetivu prinsipál mak atu prezerva memória, tanba ne’e fatin AMRT ita hotu nian. Iha tempu ne’ebé presiza atu hatene istória funu nian, bele vizita hodi garante sustentabilidade ba nasaun ida-ne’e nian tanba fatin ne’e faktu ba rejistu ka inskrisaun ba ita-nia jerasaun foun sira,” nia dehan.

Jornalista: Arminda Fonseca

Editór: Cancio Ximenes

HAKEREK NO HATÁN

Please enter your comment!
Please enter your name here