DILI, 01 marsu 2021 (TATOLI)-Sekretária Estadu Protesaun Sivíl (SEPS) prevee ona iha planu Orsamentu Jerál Estadu (OJE) 2021 atu rekruta pesoál Bombeiru na’in-96.
Sekretáriu Estadu SEPS, Joaquim Gusmão, hateten rekrutamentu ne’e sei loke ba públiku no Timoroan hotu ne’ebé iha interese bele konkorre. Nune’e, SEPS bele hetan Timoroan sira ho kualidade pertense ba iha korpu Bombeiru no destaka ba Munisípiu Ermera, Liquiça ho Manatuto.
Notísia Relevante : MI fó pose ba pesoál seguransa sivíl 83
“Ita presiza rekruta tan pesoál bombeiru iha munisípiu tolu ne’e kada munisípiu na’in-32 nune’e hosi munisípiu tolu ne’e ho totál vaga 96,’’ Sekretáriu Estadu Joaquim Gusmão informa ba jornalista, segunda ne’e, iha edifísiu Ministériu Interiór, Vila Verde, Dili.
SEPS hakerek ona karta pedidu ba Komisaun Funsaun Públika (CFP) hodi komesa prosesu rekrutamentu iha tempu badak.
Jornalista : Nelson de Sousa
Editór : Francisco Simões
Município seluk mos Bele konkore hotu vagas ne ou Khusus ba Município 3 ne Deit?