iklan

NASIONÁL, DEFEZA, DILI

MI fó pose ba pesoál seguransa sivíl 83

MI fó pose ba  pesoál seguransa sivíl 83

Sekretáriu Estadu Protesaun Sivíl (SEPS), Joaquin Gusmão, hamutuk ho Komisaun Funsaun Públika (CFP) fó pose ba funsionáriu foun na’in-83. Imajen Tatoli/Nelson de Sousa

DILI, 01 marsu 2021 (TATOLI)-Ministériu Interior (MI) liuhosi Sekretáriu Estadu Protesaun Sivíl (SEPS), Joaquin Gusmão, hamutuk ho  Komisaun Funsaun Públika (CFP), segunda ne’e, fó pose ka hala’o asinatura termu aseitasaun rekrutamentu públiku ho funsionáriu foun na’in-83 (mane 63 no feto 20) nu’udar seguransa sivíl  iha  Diresaun Nasionál Seguransa no Protesaun Patrimóniu Públiku (DNSPP).

funsionáriu foun na’in-83 nu’udar seguransa sivíl iha Diresaun Nasionál Seguransa no Protesaun Patrimóniu Públiku (DNSPP). Imajen/Espesiál

“Sira ne’e aplika vaga ba Grau D na’in-tolu, grau E na’in-rua no restu grau F nu’udar  seguransa sivíl hamutuk na’in-83 ba iha DNSPP,” Joaquin Gusmão informa ba jornalista iha ámbitu serimónia pose ne’ebé iha salaun Ministéiru Interior,Vila Verde, Dili.

Enposadu sira-ne’e iha outubru 2019,  MI li hosi  SEPS fó sai anúnsiu vaga hodi rekruta pesoál hamutuk na’in-83 tuir ona prosesu naruk ba selesaun dokumentu, ezame eskrita no oral  ne’ebé ekipa juri SEPS ho CFP mak  hala’o ho prosesu hotu transparénsia.

Pesoál hirak ne’e sei  apoiu liután   rekursu SEPS nian, liuhosi DNSPP no tuir planu funsionáriu  foun sira ne’e sei koloka  iha Dili ho munisípiu ida-idak ho postu administrativu sira.

Iha fatin hanesan, Sekretária Ezekutiva CFP, Santarina Xavier Rosario, hateten enposadu sira hahú  ohin nu’udar  funsionáriu ajente administrasaun públika atu hatene misaun hodi serve nasaun ho disiplina, responsabilidade no lealdade.

Jornalista   : Nelson de Sousa

Editór        : Francisco Simões

iklan
iklan

Leave a Reply

iklan
error: Content is protected !!