Tenente Jenerál F-FDTL, Tito da Costa Cristovão ‘Lere Anan Timur’, Imajen/Media F-FDTL.

DILI, 26 fevereiru 2021 (TATOLI)—Tenente Jenerál, FALINTIL Forsa Defeza Timor-Leste (F-FDTL), Tito da Costa Cristovão ‘Lere Anan Timur’, hateten presiza servisu ho lealdade ba superiór sira iha instituisaun ida ho prinsípiu no objetivu luta ba independénsia.

Notísia Relevante: Promosaun diviza jenerál-ofisiais ne’e ba interese nasionál la’ós grupu

“Sai lider no komadante di’ak presiza lealdade, onestidade no unidade,” Tenente Jenerál, Lere Anan Timur, hateten iha ámbitu serimónia promosaun diviza, iha Palásiu Prezidente, Dili, ohin.

Nia hatutan, iha futuru ne’e kualker nomeasaun ba fatin estratéjiku ligadu ho lideransa,  labele bazea ba desizaun polítika maibé bazea ba avaliasaun dezempeñu militár ne’ebé lealdade, onestidade no umildade.

“So hanesan mak bele fó garantia ba instituisaun F-FDTL bele metin, forte no tane ba kompaneiru na’in tolu. Ho ida-ne’e, ha’u husu nafatin atu servisu hamutuk hodi lori instituisaun ne’e ba oin. Ha’u fiar katak kompanaeiru na’in tolu hamutuk ho ha’u hala’o responsabilidade hanesan hori uluk,” nia hateten.

Tenente Jenerál akresenta sira maihosi rezisténsia armada no kontinua servisu hamutuk hodi lori instituisaun ida-ne’e ba futuru hodi garante estabilidade nasionál.

Jornalista: Osória Marques

Editór: Cancio Ximenes

HAKEREK NO HATÁN

Please enter your comment!
Please enter your name here