Ministra Saúde, Odete Maria Freitas Belo, observa kondisaun Postu Saúde Alastehen, Suku Fatumea, Postu Administrativu Fatumea, Munisípiu Covalima. Imajen Tatoli/Eugénio Pereira

COVALIMA, 22 fevereiru 2021 (TATOLI)- Ministra Saúde, Odete Maria Freitas Belo, domingu (21/02),  hala’o vizita ba Postu Saúde Alastehen, Suku Fatumea, Postu Administrativu Fatumea, Munisípiu Covalima, hodi haree besik liu kondisoens bázika no fasilidade postu saúde ne’e nian.

Iha vizita ne’e, Ministra Odete Belo haree katak postu saúde ne’e menus fasilidade, ai-moruk no laiha kazerna ba médiku sira atu hela, inklui laiha karreta ambulánsia hodi evakua pasiente ba ospitál Covalima.

Notísia Relevante : Tinan-20, aldeia haat iha Fatumea ho aldeia 15 iha Fohorem la asesu eletrisidade

Ho  problema hirak ne’e, Ministra Odete Belo promete sei tau konsiderasaun hodi rezolve, atu nune’e, bele fasilita tratamentu saúde ida di’ak ba abitante  Aldeia Fatumea, Aldeia Mota Ulun, Lebor no Rai Oan ne’ebé ho totál abitante 1.036.

Postu Saúde ne’e harii iha 2011 hodi fasilita asesu saúde besik liután ba povu sira iha aldeia refere, maibé to’o agora seidauk iha bee-moos no la asesu ba eletrisidade.

Ministériu Saúde foin koloka doutór ida no enfermeiru ida hodi fó asisténsia saúde ba abitante sira ne’ebé pertense ba area jurisdisaun Fatumea nian.

Vizita Ministra Odete ne’e simu direita hosi Administradór Fatumea, Filomeno Cardoso, Xefe Suku Fatumea, Júlio da Costa Nunes, hodi aprezenta mós rai ne’ebé komunidade sira entrega ba Ministériu Saúde hodi harii postu saúde inklui rai atu harii rezidénsia ba médiku sira.

Jornalista   : Eugénio Pereira

Editór        : Francisco Simões

HAKEREK NO HATÁN

Please enter your comment!
Please enter your name here