Diretór Ezekutivu ADTL, Cesário da Silva. Imajen Tatoli/Egas Cristovão.

DILI, 22 fevereiru 2021 (TATOLI)—Diretór Ezekutivu Asosisaun Defisiente Timor-Leste (ADTL), Cesário da Silva, agradese ba Governu liuhosi Secretáriode  Estado para a comunicação Sosiál (SECOMS) ne’ebé planeia ona atu estabelese rádiu komunidade ba ema ho defisiénsia sira iha Timor-Leste.

Notísia Relevante: SECOMS sei harii rádiu komunidade ba ema ho defisiénsia sira

“Ami sente kontenti tebes tanba Governu iha ona planu atu investe estabelese rádiu komunidade ida ba maluk defisiénsia sira, tanba ida-ne’e mak ami-nia planu uluk kedas. Tanba ida-ne’e, isu asuntu advokasia ida ne’ebé uluk ami husu beibeik iha tinan barak ona atu harii rádiu komunidade ida ba ema ho defisiénsia sira, maibé agora atu estabelese ona. Ida-ne’e ami sente novidade di’ak ida ba ami,” Cesário da Silva ba hateten ba Agência TATOLI Relasiona ho komemorasaun Loron Mundiál ba Justisa Sosiál ne’ebé mundu selebra kada 20 fevereiru, iha nia knaar fatin, Quintál-Boot, Dili, segunda, ne’e.

Nia hatutan, Asosiasaun Defisiente Timor-Leste presiza tebes tanba liuhosi rádiu ne’e, ema ho defisiénsia sira sai lian ba maluk komunidade defisiente sira seluk nia lian liuhosi divulgasaun informasaun. 

“Tanba liuhosi rádiu ne’e sai lian ba maluk komunidade defisiénsia nia lian atu ema hotu rona. Tanba liuhosi rádiu ne’e mak bele divulga no transmite informasaun sira hodi ajuda ba ita-nia sosiedade atu intende kona-ba direitu ema ho defisiénsia nian inklui mós informa informasaun sira, atualiza informasaun sira ne’ebé mak relasiona ho asuntu dezenvolvimentu asuntu defisiente iha Timor-Leste,” nia dehan.

Tanba ne’e, sira sente kontente ho kompromisu Governu nian liuliu SECOMS ne’ebé sei apoiu ADTL atu harii rádiu komunidade ida ba maluk defisiente sira iha Timor laran tomak.

Nia dehan, rádiu komunidade ba maluk defisiente ne’ebé agora daudaun Governu iha ona planu atu harii ne’e, maske nesesidade defisiente sira-nian diferente tanba ema ho defisiente tilun mak la asesu ba rádiu, maibé iha dalan seluk sira asesu informasaun sira ne’e liuhosi Televisaun.

“Tanba ne’e mak tinan kotuk hahú ona servsiu hamutuk ho RTTL.EP halo tradusaun lian jestuál iha RTTL.EP. Ida-ne’e mak hodi fasilita informasaun sira ba komunidade defsiénsia tilun, maibé ba rádiu ne’e ba maluk defisiente matan, fíziku no mobiliáriu sira. Ha’u hanoin rádiu ne’e la’ós ba defisente de’it maibé ba públiu tomak. Rádiu ne’e mak lian defisiénsia nian maibé informsaun benefísia ba ema tomak atu bele asesu,” nia haktuir.

Jornalista: Arminda Fonseca

Editór: Cancio Ximenes

HAKEREK NO HATÁN

Please enter your comment!
Please enter your name here