Ekipa Vijilánsia Ministériu Saúde Nasionál no Saúde Munisipál Covalima hala’o ona teste Escreening Masál ka Teste Swab ba abitante sira iha Aldeia Makokon, Suku Nanu, Postu Fatumea, Munisípiu Covalima. Imajen Tatoli/Eugénio Pereira.

DILI, 20 fevereiru 2021 (TATOLI)—Vise-Koordenadora Forsa Tarefas Prevensaun no Mitigasaun COVID-19, Odete da Silva Viegas, hateten ekipa saúde halo screening masál iha munisípiu tolu rekolla ona amostra hamutuk 1356 no hosi númeru ne’e, 994 mak transporta ona mai iha Laboratoriu Nasionál Dili hodi halo teste.

Notísia Relevante: Screening masál iha fronteira sei hala’o durante loron sanulu

Odete da Silva Viegas hatutan, Ministériu Saúde hakarak hato’o informsaun ba populasaun tomak katak hahú iha loron 15 fevereiru 2021, ekipa saúde halo ona screening masál iha munisípiu tolu hanesan Munisípiu Covalima, Bobonaro no Rejiaun Administrativu Espesiál Oé-Cusse Ambeno (RAEOA).

“To’o ohin loron, ekipa saúde konsege kolekta amostra hamutuk 1356 no hosi 1356 ne’e   transporta ona mai iha Laboratóriu Nasionál Dili hamutuk 994. Hosi númeru ne’e, rezultadu negativu hamutuk 718 no hein rezultadu hamutuk 276. No, daudaun ne’e amostra 362 mak sei iha fatin rekollamentu iha munisipiu tolu refere,” Odete da Silva Viegas hateten ba jornalista sira dehan ba jornalista sira iha konferénsia imprensa ne’ebé hala’o iha Centro Convenção Dili (CCD), Merkadu Lama, Dili, sábadu ne’e.

Nia informa, progresu screening masál ne’ebé ekipa halo iha Munisípiu Covalima atinji ona 73%, Bobonaro 80%, no RAEOA 38%.

Jornalista: Felicidade Ximenes

Editór: Cancio Ximenes

HAKEREK NO HATÁN

Please enter your comment!
Please enter your name here