Vise-Kordenadóra Forsa Tarefas Prevensaun no Mitigasaun COVID-19, Odete da Silva Viegas. Imajen/Mídia Ministériu Saúde.

DILI, 20 fevereiru 2021 (TATOLI)—Governu liuhosi Ministériu Saúde re-integra tan pasiente COVID-19 rekoperadu na’in-ida (1) ba familia hafoin halo tratamentu iha sala Izolamentu Vera Cruz, Dili.

Notísia Relevante: Papél média importante ba susesu vasinasaun COVID-19

“Ohin, loron 20 fulan fevereiru tinan 2021, hosi Komisaun Nasionál inkorpora tan pasiente COVID-19 rekuperadu na’in-ida hosi sala Izolamentu Vera Cruz, Dili, hodi re-integra ba ninia família,’’ Vise-Koordenadóra Forsa Tarefas Prevensaun no Mitigasaun COVID-19, Odete da Silva Viegas hateten ba jornalista sira iha konferénsia imprensa ne’ebé hala’o iha Centro Convenção Dili (CCD), Merkadu Lama, Dili, sábadu ne’e.

Nia dehan, pasiente rekuperadu ne’e timoroan mane ida ho idade 34, ne’ebé baixa iha sala Izolamentu Vera Crus iha loron 03 fevereiru 2021. Hosi teste Sawab dahuluk iha loron 16 fevereiru no teste daruak iha loron 8 fevereiru ne’e, rezutadu teste hosi Laboratóriu Nasionál ne’e hatudu negativu entaun Ministériu Saúde re-entrega sidadaun ne’e ba ninia família.

Vise-Koordenadóra Forsa Tarefas Prevensaun no Mitigasaun COVID-19 ne’e informa, dadus ba loron 20 fevereiru 2021 komulativu teste hamutuk 20694, komulativu negativu 20549, hein rezultadu 42, komulativu kazu 103, kazu foun laiha, rekupera ida, komulativu rekuperadu 82+4 = 86.

Pasiente sira-ne’ebé atuál baixa iha Sala Izolamentu Vera Cruz hamutuk na’in-21, kuarentena na’in-258, Dili na’in-191, munisípiu na’in-67, auto-kuarentena na’in-7, Dili na’in-neen (6), munisípiu na’in-ida, pasa ka kumpre ona  loron 14 hamutuk 8005, Dili  6575, munisípiu 1430. 

Notísia Relevante: Eletrisidade mate, ekipa vijilánsia evakua amostra teste swab COVID-19 hosi Fatumea

Jornalista: Felicidade Ximenes

Editór: Cancio Ximenes

HAKEREK NO HATÁN

Please enter your comment!
Please enter your name here