Komandu PNTL Bobonaro halo pasa revista ba movimentu sidadaun sira iha fronteira. Imajen Tatoli/Eugénio Pereira

DILI, 16 fevereiru 2021 (TATOLI)- Komandu Polísia Nasionál Timor-Leste (PNTL) hatún ona orden ba Komandu PNTL Munisípiu Bobonaro no Covalima, tersa ne’e, hahú ona  operasaun “serka” iha area jurisdisaun munusípiu rua-ne’e hodi hapara movimentu abitante ho transporte halo viajen hosi Bobonaro no Covalima mai Dili no hosi Dili ba Bobonaro ho Covalima.

Portavós Komandu Jerál PNTL, Superintendente Xefe, Arnaldo de Araújo, deklara operasaun ne’e hodi husu konsiénsia abitante sira kumpre regra hodi prevene aan hosi ameasa surtu COVID-19.

Polísia Bobonaro halo pasa revista ba transporte sira atu tama no sai hosi Munisípiu Bobonaro. Imajen Tatoli/Eugénio Pereira

“Hahú ohin PNTL Bobonaro no Covalima ezekuta ona operasaun hodi kontrola ita nia sidadaun halo movimentu ba mai para ita prevene aan hosi moras ne’e,” portavós Komandu PNTL, Arnaldo de Araújo ba Agência TATOLI iha Komandu Jerál PNTL, Dili.

Notísia Relevante : Reuniaun KM: deside bandu deslokasaun munisípiu seluk bá Bobonaro-Covalima

Ba abitante sira ne’ebé uza transporte lakohi kumpre regra hodi kontinua viajen, maka PNTL sei foti asaun tuir lei.

“Hahú ohin ita nia polísia tránzitu sira taka ona estrada, hodi bandu ita nia populasaun Bobonaro no Covalima labele mai ona Dili to’o tempu ne’ebé determina,” nia hateten.

Jornalista   : Eugénio Pereira

Editór        : Francisco Simões

HAKEREK NO HATÁN

Please enter your comment!
Please enter your name here