Koordenadór pilár hitu COVID-19, Nilton da Silva. Imajen/Felicidade Ximenes.

DILI, 15 fevereiru 2021 (TATOLI)—Pasiente COVID-19 na’in-ida rekoperadu no Ministériu Saúde (MS) re-integra ona ba família.

Re-integrasaun ne’e fó-sai hosi Koordenadór pilár VII, Nilton da Silva liuhosi konferénsia imprensa iha salaun MS Caicoli, segunda (15/02).

Notísia Relevante:Timoroan ida pozitivu COVID-19, kazu aumenta ba 40

“Pasiente rekoperadu ne’e sidadaun estranjeiru feto ho idade 18,” Nilton da Silva hateten.

Nia esplika, iha loron 2 fevereiru pasiente ne’e baixa iha sala izolamentu Vera Cruz no teste swab dahuluk iha loron 12 fevereiru, teste daruak iha 13 feveriru ho rezultadu laboratóriu hatudu negativu tutuir-malu.

Liuhosi konferénsia imprensa ne’e, Minsitériu Saúde hato’o mós ba públiku katak hahú ohin (15 fevereiru) atividade teste swab masál hala’o ona ba Munisípiu Covalima, Bobonaro no Rejiaun Administrativa Espesiál Oe-cusse Ambeno (RAEOA).

Tuir planu, swab masál ne’e sei termina iha 25 fevereiru 2021.

Dadus ba loron 15 fevereiru, komulativu kazu 102, kazu foun laiha, rekopera na’in-ida, atuál baixa 39.

Jornalista:  Felicidade Ximenes

Editór: Cipriano Colo

PUBLISIDADEiklan

HAKEREK NO HATÁN

Please enter your comment!
Please enter your name here