Ezekutivu Sentru Rádiu Komunidade (CRC, sigla portugés), Abel da Conceição. Imajen/Espesiál.

DILI, 13 fevereiru 2021 (TATOLI)–Ezekutivu Sentru Rádiu Komunidade (CRC, sigla portugés), Abel da Conceição rekoñese katak meiu komunikasaun ida-ne’ebé importante tebes iha komunikasaun entre ema; husi ema ida ba ema seluk no husi fatin ida ba fatin seluk.

Notísia Relevante: Rádiu kontribui promove valór sosiál

Tanba ne’e, iha ámbitu komemorasaun loron mundiál ne’ebé kada tinan realiza loron 13 fevereiru, Diretór CRC ne’e hato’o nia kongratulasaun.

“Parabéns ba loron mundiál rádiu iha mundu. Ita hotu hatene katak rádiu hanesan meiu ida, hodi halo transmisaun, komunikasaun entre ema ida ba ema seluk no mós husi fatin ida ba fatin seluk liuliu ba informasaun importante ne’ebé maka la’o hela iha rai-laran no mós iha mundu.  Tanba ne’e, rádiu iha era ida agora iha importánsia tebes ba komunikasaun iha nível nasionál no mós mundiál,” Diretór Abel da Conceição kongratula, bainhira entrevista ho jornalista TATOLI iha Palácio do Governo, kinta ne’e.

Iha kontestu Timor-Leste, tuir ezekutivu liuliu rádiu komunidade, hamriik no dezenvolve komesa husi 2002 mai to’o ohin loron.   

“Hahú husi ne’ebá radiu sira analog entaun ita sente katak rádiu ne’e importánsia depois dezenvolve nasaun ne’e ita mos hakarak dezenvolve rádiu ne’e to’o ohin loron,” responsável másimu CRC ne’e haktuir.

Nia hatutan, Iha Timór ho ita-nia rádiu komunidade sira iha 16, tinan ida-ne’e, ita atu harii tan rádiu ida ba ita-nia komunidade ho situasaun difisiénsia iha ita-nia rai laran, hamutuk 2021 ne’e ita sei iha rádiu komunidade 17.

Tanba, tuir nia, fó resposta ba pergunta katak ita dezenvolve ona rádiu ne’e ba rádiu online ida-ne’ebé maka iha tinan hirak ba kotuk nia analog de’it, agora ita dezenvolve sai hanesan rádiu online sai importánsia katak ho era globalizasaun ne’ebé maka nasaun no mundu enfrenta.

Entaun rádiu adapta situasaun hirak ne’e la’os de’it ema sira la iha internet ne’e mak labele asesu , maibé  ita nia joven meleniál sira-ne’ebé maka asesu ba iha telemovel, liuliu telemovel android entaun sira iha ne’ebé  de’it sira bele  asesu internet, entaun sira bele asesu ona ba rádiu  dijital ne’ebé maka  ita dezenvolve ona iha ita nia nasaun.

Entaun ita haree katak rádiu ho era ida agora ne’e importánsia ba ita-nia komunidade, tantu rurál nune’e mós sidade (urbana). Tanba ne’e, ita presiza dezenvolve hanesan Estadu presiza dezenvolve nafatin iha rádiu, tantu iha setór privadu no mós setór públiku sira.

“Husi oportunidade ida ne’e hakarak hato’o mensajen katak ita-nia audensia sira ne’ebé maka durante ne’e rona rádiu hanesan kanál ida, Estadu investe no dezenvolve ona. Entaun ita uza para ita simu no fó informasaun atuál ne’ebé maka akontese iha ita-nia rai laran liu-liu kona-ba dezenvolvimentu iha ita-nia rai laran no mós nivel mundiál,” ezekutivu ne’e konsidera.

Tanba ne’e, komunidade iha territóriu laran tomak iha Timór ita iha rádiu komunidade hamutuk  16. Alende Husi total 16 ne’e, tuir Relatóriu Conselho de Imprensa Timor-Leste, nú. 1, 10 maiu 2017 instituisaun rádiu sira iha Timor-Leste hamutuk 33.

Rádio sira-ne’e mak hanesan Rádiu Timor-Leste (FM,91.7 Mhz), Rádiu Metro FM (FM,94.7 Mhz), Rádiu Povu Viqueque (FM,97.9 Mhz),  Rádiu Komunidade Lospalos (FM,100 Mhz), Rádiu Komunidade Lian Matebian (FM,99.9 Mhz), Rádiu Komunidade Koulelemai Sahe Bucoli (FM,102.5 Mhz).    

Rádiu Na’in Feto Laleia (FM,88.5 Mhz), Rádiu Komunidade Illi-wai Manatuto ( FM,96.10 Mhz), Rádiu Komunidade Cova-Taroman (FM,94.5 Mhz), Rádiu Komunidade Laloran Tasi Mane Same (FM,89.5 Mhz), Rádiu Komunidade Tatamailau (FM,98.1 Mhz), Rádiu Komunidade 1912 Manufahi (FM.95.1 Mhz), Rádiu Komunidade Maubisse Mau-Loko (FM,89.7 Mhz), Rádiu Komunidade  Raihusar Aileu (FM,97.1 Mhz).

Rádiu Komunidade Café Ermera (M,92.3 Mhz), Rádiu KomunidadeTokodede (FM,92.3 Mhz), Rádiu Komunidade Maliana (FM,91,7 Mhz), Rádiu Komunidade Comoro (FM,94.1 Mhz), Rádio Komunidade Loriku Lian (FM,100,5 Mhz), Rádiu Komunidade Manukoko (FM,99.0 Mhz), Rádiu Komunidade Atoni Lifau (FM,93.3 Mhz), Rádiu M3 (FM,88.8Mhz), Rádiu Komunidade Rakambia (FM,99.4 Mhz), Rádiu Komunidade Liberdade (FM,95.8Mhz), Rádiu LABEH (FM 91,2 Mhz), Rádiu Klibur (FM,102.00 Mhz), Rádiu Lian Dame (FM90.6Mhz),            

Rádiu A Voz (FM,89.5 Mhz), Rádiu Akademia UNTL (FM,90.00 Mhz), Rádiu Maubere (FM,99.9 Mhz),  Rádio Timór Kmanek (FM,98.5Mhz no AM,1404Mhz), Rádiu Fini Lorosa’e (FM, 107.3,107.9 Mhz), Rádio A Voz Suara Timór Lorosa’ae (FM, 65.6 Mhz)

Jornalista: Osória Marques

Editór: Cancio Ximenes

HAKEREK NO HATÁN

Please enter your comment!
Please enter your name here