Primeiru-Ministru, Taur Matan Ruak konvoka enkontro ho Reprezentante hosi Organizasaun Mundial Saúde – OMS, Sr. Arvind Mathur iha Palásiu Governu, sexta (12/02). Imajen TATOLI/Egas Cristovão

DILI, 12 fevereiru 2021 (TATOLI)Primeiru-Ministru (PM), Taur Matan Ruak, konvoka enkontru ho Reprezentante Organizasaun Mundiál Saúde (OMS) iha Timor-Leste, Arvind Mathura, hodi ko’alia kona-ba tipu vasina ne’ebé di’ak ba Timor-Leste hodi prevene COVID-19.

Iha biban ne’e, OMS rekomenda Timor-Leste uza tipu vasina AstraZeneca, maibé depende desizaun Governu.

“Ha’u reuniaun ho Primeiru-Ministru hodi ko’alia objetivu rua hanesan planu introdusaun vasina COVID-19 iha Timor-Leste no deside tipu vasina, nune’e mós ko’alia kona-ba oinsá haforsa planu no estratejia hasoru COVID-19 iha Timor-Leste. OMS nia rekomendasaun to’o agora vasina tipu AstraZeneca,” Reprezentante OMS informa iha Palásiu Governu, sesta ne’e.

Notísia relevante: Governu seidauk iha desizaun ba akizisaun ai-moruk vasina AstraZeneca

OMS hato’o ona evidénsia sientífika hodi bele guia no fó orientasaun ba Governu hodi halo desizaun finál.

“OMS hato’o ona evidénsia sientífika ba tipu vasina hanesan Fizer, Moderna no AstraZeneca, inklui hato’o ona diferénsa tipu vasina tolu ne’e bazeia ba nia efikásia, seguransa no sistema nasaun nian hodi prepara hodi simu vasina. Informasaun no klarifikasaun tipu vasina hirak ne’e fó ona ba Xefe Governu, maibé desizaun ikus sei fó sai husi Konsellu Ministru,” nia akresenta.

Jornalista: Antónia Gusmão

Editora: Julia Chatarina

HAKEREK NO HATÁN

Please enter your comment!
Please enter your name here