Reitór UNTL, João Soares Martins. Imajen Tatoli/Egas Cristóvão.

DILI, 11 fevereiru 2021 (TATOLI)—Reitór João Soares Martins hetan motivasaun hosi Diretór Ezekutivu Ajénsia Nasionál Avaliasaun no Akreditasaun Akadémiku (ANAAA), Edmundo Viegas atu hadi’a kualidade Universidade Nasionál Timor Lorosa’e (UNTL).

“Ida ne’e hanesan motivasaun ida tanba planu ne’ebé ami promete ona sei sai matéria ida atu obriga Reitoria foun hodi kumpri promesa ne’e,” João Soares Martins hateten ba jornalista Agência Tatoli iha serbisu fatin Caicoli, kinta (10/02).

Notísia Relevante:ANAAA espera UNTL sai instituisaun edukadora eselente iha futuru

Motivasaun ne’e mosu bainhira Diretór Ezekutivu ANAAA, Edmundo Viegas espresa ninia sentidu esperansa katak prezensa João Soares Martins hodi lidera UNTL  bele hadia kualidade atu sai instituisaun edukadora eselente no sai referénsia ba Ensinu Superiór sira seluk iha futuru.

Nia promete katak, hamutuk ho ekipa Reitoria iha periúdu ne’e sei serbisu makaas hodi atinji buat hotu ne’ebé hato’o ona iha kampaña.

Líder másimu UNTL ne’e mós fiar katak ho mudansa estrutura Reitoria iha periúdu ne’e sei apoia planu prioridade tinan lima nian katak, tenki eleva kualidade diak-liu ba UNTL atu bele responde avaliasaun ANAAA nian iha tempu sira tuir-mai.

Entretantu,  kursu sira iha UNTL hamutuk 49 no Reitór ne’e klarifika katak la’ós kursu sira ne’e hotu hetan valór sufisiente tanba balun konsege hetan ona nível B.

Nia dehan, kursu ida de’it iha Fakuldade Edukasaun Arte Humaniora Departamentu Edukasaun Fízika Desportu mak la rejistadu tanba la prienxe kritéria hosi ANAAA.

Jornaista: Tomé Amado

Editór: Cipriano Colo

HAKEREK NO HATÁN

Please enter your comment!
Please enter your name here