Diretór Ezekutivu ANAAA, Edmundo da Silva Viegas. Foto: UNILAB

DILI, 09 fevereiru 2021 (TATOLI)— Ajénsia Nasionál Avaliasaun Akreditasaun Akadémiku (ANAAA), iha esperansa katak, Universidade Nasionál Timor Lorosa’e (UNTL) bele sai instituisaun edukadora eselente iha futuru.

Diretór ezekutivu ANAAA, Edmundo da Silva Viegas, espresa sentidu esperansa ne’e tanba haree ba persentajen hosi avaliasaun ba kursu sira iha UNTL ne’ebé to’o ohin loron kontinua hetan valór sufisiente.

Notísia Relevante:Departementu Desportu UNTL Kontinua Esforsu hodi Hetan Akreditasaun

“Dezezu ida ne’e mosu bazeia ba kursu sira iha UNTL ne’ebé to’o ohin loron sei kontinua hetan nafatin valór sufisiente,” Edmundo Viegas hateten ba jornalista Agência Tatoli iha ninia serbisu fatin Matadoru, tersa (09/02).

Edmundo mós iha esperansa katak, ho matenek no lideransa reitór João Soares Martins bele sai pontu referénsia ida ba instituisaun ensinu superiór sira seluk iha Timor-Leste no bele sai parseiru di’ak iha nível rejionál.

Nu’udár instituisaun estadu ne’ebé tau matan ba kualidade Institutu Ensinu Superiór Públiku no Privadu (IESPP), ANAAA sempre prontu atu serbisu hamutuk ho UNTL no instituisaun superiór sira seluk.

Entretantu, iha Jullu 2020 ANAAA publika rezultadu avaliasaun ne’ebé demostra katak UNTL ho nia departementu 29, no departementu sia 9 ho klasifikasaun B, departementu 19 hetan klasifikasaun C no departamentu ida la akreditadu.

Jornalista: Tomé Amado

Editór: Cipriano Colo

HAKEREK NO HATÁN

Please enter your comment!
Please enter your name here