DILI, 09 fevereiru 2021 (TATOLI)-Prezidente Tribunál Rekursu (PTR), Deolindo dos Santos, informa númeru kazu ne’ebé la’o iha tribunál iha inísiu janeiru 2021 hahú redús.
Deolindo dos Santos hateten, númeru ne’e hahú tun ba prosesu tama foun no pendente hanesan iha prosesu 22 pendente iha Tribunál Rekursu no iha kazu sivíl 1.009 pendente iha Tribunál Distritál Dili no sira seluk, nune’e kontinua esforsa hodi redús liután.
Notísia Relevante : Caleidoscópio 2020: Akontese kazu krime no asidente 4.197
Hafoin hasoru malu ho Prezidente Repúblika, Francisco Guterres “Lú Olo” iha Palásiu Prezidensiál, tersa ne’e, Deolindo dos Santos, hateten iha sorumutuk ne’e nia parte relata ba Xefe Estadu, liu-liu kona-ba prosesu kazu ne’ebé la’o iha Tribunál sira iha inísiu janeiru 2021 ne’ebé daudaun númeru hahú redús.
Deolindo la esplika detallu tanba la lembra kona-ba númeru akumulativu hotu iha tribunál primeira instánsia.
Deolindo afirma tan, faze inisiál ezekusaun orsamentu 2021 TR nian iha periodu fulan janeiru to’o fevereiru ho di’ak. Nune’e mós halo anúnsiu públiku vaga ba rekrutamentu ba ofisiál justisa hamutuk na’in-40 hodi reforsa rekursu umanu apoiu liután servisu tribunál nian.
Jornalista : Nelson de Sousa
Editór : Francisco Simões
