Asidente tráfegu iha área Akadiru-Laran, Manleuana, Postu Administrativu Metinaro, Munisípiu Dili, domingu kalan (25/10) purvolta tuku 20:00 Otl, rezulta Joana Francisca Maia, tinan 24, mate fatin. Imajen/foti hosi Facebook

DILI, 29 dezembru 2020  (TATOLI)- Durante periodu tinan 2020, hosi 01 janeiru to’o 27 dezembru,  akontese kazu krime no asidente iha territóriu nasionál hamutuk 4.197.

Notísia Relevante : Komandu PNTL demite membru na’in-sia

Komandante Jerál Polísia Nasional Timor-Leste (PNTL), Komisáriu Faustino da Costa, ohin, hateten, hosi asidente krime no asidente sira ne’ebé akontese ne’e, PNTL detein suspeitu sira hodi aprezenta ba Ministériu Públiku prosesa tuir lei.

“Iha tinan 2020, PNTL rejistu akontesimentu insidente iha territóriu nasionál, inklui hamutuk 4.197 ne’ebé sura hosi janeiru to’o 27 dezembru 2020,” tenik Komisáriu Faustino da Costa, liuhosi konferénsia imprensa, iha Komandu Jerál PNTL, Caicoli, Dili.

Durante tinan tomak ne’e, Departamentu Nasionál Tránzitu no Seguransa Rodoviáriu rejista mós kazu asidente tráfegu hamutuk 1.415 no rezulta ema hamutuk na’in-78 mak mate.

PNTL rejista mós kazu insidente de’it hamutuk 4.197 no ema balun mate, hanesan kazu hatalik-aan ka tara-aan.

Atu festeja tinan tuan 2020 no simu tinan foun 2021, PNTL aproveita oportunidade ne’e apela ba sidadaun sira hotu-hotu, liu-liu juventude sira kria paz ho domin kontribui ba dezenvolvimentu Timor-Leste.

Jornalista   : Eugénio Pereira

Editór        : Francisco Simões

HAKEREK NO HATÁN

Please enter your comment!
Please enter your name here